مطلوب مساعدة فى إختيار سيارة جديده قسط
 

السلام عليكم ،

أنا عاوز أشترى عربية جديدة مش مستعمله بنظام القسط من بنك NSGB

الإمكانيات المالية : إنى هدفع 20 % من قيمة السيارة علشان أقسط المبلغ الباقى.

المواصفات المطلوبة ف السيارة :

شبابية أكثر من عائلية، علما أنى متزوج ولدى 2 أطفال فى عمرو الـ شهور والـ 3 سنوات.

لا يوجد سفر بالسيارة لأماكن بعيدة أو مسافات طويلة .

معظم الإستعمال هيكون داخل محافظتى، البيت، الشغل، مشاوير خاصه فى المدينة إلخ .. يعنى العربية مش هتتهان.

الحد الأقصى لتمن العربية ميعديش بكل الأحوال 60 - 65 ألف جنية. عشان أقدر أدفع المقدم.

أنا صاحب مؤسسة فردية صغيره، والدخل يغطى قسط شهرى مثلا 1000-1200 جنيه أو ما شابه.

محتار فى إختيار نوع سيارة فى الحدود السعرية دى، ومحتاج مشورتكم

أى سيارة فى الحدود دى تناسبنى، ومحتاج أعرف مميزاتها وعيوبها.

يا ريت ألقى تجاوب ومشاركة سريعه للإفادة..

وجزاكم الله خيرا مقدما.

رد: مطلوب مساعدة فى إختيار سيارة جديده قسط
 

عزيزى
لو حضرتك عندك سجل تجارى وبطاقة ضريبية وكشف حستب بنك لازم المقدم لا يقل عن 30% دة لو بنك
انما ممكن نقسط مباشر لو مقيم فى القاهرة
للاستفسار السريع
09009488

رد: تقسط سياره من البنك الاهلى سوستيه جنرال
 

السلام عليكم انا عايز اشتري سيارة بالتقسيط عن طريق NSGB و انا محول مرتبي علي البنك ده و متوسط دخلي السنوي 6 و عايز اشتري سيارة بريلينس 1500 الاتوماتك اللي سعرها 82 الف و عايز ادفع 41 الف و عايز ادفع لو هقسط علي 36 هدفع كام في الشهر و لو علي 60 شهر هيبقي كام في الشهر

و هل يمكن اسدد علي 36 شهر و ادفع قسط سنوي 10الاف مثلا و لو اه يبقي القسط الشهري كام

رد: تقسط سياره من البنك الاهلى سوستيه جنرال
 

البنك الاهلى سوستيه من ازبل بنوك العالم
انا عاوز احكى لكم تجربتى الشخصيه كى يحدر الجميع اولا بعت قطعه ارض فى شهر 8 2011 و طلبت من المشترى ان يسلمنى مبلغ البيع وهو 12000000 مليون و 200 الف جنيه فى دلك البنك و تمت البيعه و بعدها بشهر تقريبا و جدت نفسى لا استفيد من دلك المبلغ فى البنك فدهبت الى الموظف و قلت له انى عاوز استفيد من المبلغ دا فنصحنى بالشهادات فقلت له عاوز ابعد عن الربا فنصحنى بالشهادات دات العائد المتغير و قمت بعمل الشهادات و لكن الموظف منه لله و ربنا ينتقم منه مضانى على شهادات ما تنكسرش قبل 3 سنين مع انه اكد لى اننى يمكننى ان اكسر بعد سنه المهم و ضحت لهم اننى سوف اسافر الى امريكا لشراء معدات نفنصحونى باستخراج كارت فيزا بلاتينيوم و اننى يمكننى سحب مبلغ 20 الف جنيه كل يوم و قامو بربط مبلغ 50 الف جنيه ضد الكارت و سافرت الى امريكا و حاولت ان اسحب ال20 الف كل يوم ولكن مفيش ولا بنك فى امريكا رضى يعطينى حت الف دولار و اتصلت بالبنك من امريكا و قالولى كلم اداره المخاطر و عملت فوق ال500 دولار مكالمات ولكن بدون فايده الا اننى فى يوم دهبت الى بنك اف اميريكا و طلبت منهم 3000 دولار على الكارت و كانت المفاجاه انهم قبلو صرف المبلغ و كان يومها الدولار عامل 6 جنيه و فوجئت بهم بيدفعونى 2000 جنيه زياده على المبلغ
ثانيا احتجت مبلغ 100 الف دولار و طلبت تحويلهم من حسابى الى امريكا و طلب منى مدير الفرع ارسال ايميل او فاكس بالطلب و كان اسمه سامح ايوب وربنا ينتقم منه لانه ارسلت له الايميل و الفاكس و انتظرت انن يرسل لى المبلغ و لكنه لم يرسله فلما اتصلت به قال لى ابعت لى اصل الفاكس و اخيرا بعد طول انتظار قام فاتح لى حساب بالدولار و استعمل اسمى الثلاثى بدل ما يستعمل اسمى الاول و الاخير و الاسم الاوسط فقط اول حرف و بعت الفلوس و هوه عارف انهوم سوف يردو و بالفعل البنك اللى هوه بنك اف اميريكا رد التحويل لان الاسم الاوسط ليس طرفهم و قام بتدفيعى 1600 جنيه مصاريف التحويل و لما البنك رجع التحويل قام مدفعنى ال 1600 جنيه مره اخرى و البنك دا بلاويه كتير فا نصح كل الناس بالبتعاد عنه لانه بنك حرامى

رد: تقسط سياره من البنك الاهلى سوستيه جنرال