مصر موتورز مجتمع السيارات - زهقنا من جشع التجار نلم ونستورد احنا من تركيا والصين

مصر موتورز مجتمع السيارات (https://www.masrmotors.com/vb/index.php)

- سوق السيارات المصرية (https://www.masrmotors.com/vb/forumdisplay.php?f=147)

زهقنا من جشع التجار نلم ونستورد احنا من تركيا والصين

بسم الله الرحمن الرحيم
*******************

الحقيقة دى مش فكرتى انا لاقيت الموضوع ده على موقع اخر
وعجبنى جدا خصوصا انه ملائم لحملتنا فى المنتدى ضد جشع التجار

فانا جمعتلكم الرود بحيث انه يبقى موضوع متكامل
اتمنى انكم تشاركونى فيه

************

عايزين نشترك ونستورد قطع غيار واجزاء الكترونية للميجان وللرينو بصفة عامة - ونقدر نقول لو مثلا كل قسم من اقسام المنتدى مثلا رابطة رينو - رابطة هيونداى من تركيا- تايوان - الصين - لضرب استغلال التجار انا زهقت بجد والعربية ممتازة وقطعها رخيصة بس التجار حرامية

و هنحتاج
1- حد عنده بطاقه استيراديه
2- حد بره يقطع لنا من تركيا - ماليزيا و حد في الصين و تايوان للجديد
3- فلوووووووووووووس كتييييييييير
4-اماكن تخزين

لو لمينا وحطيناها باسم رابطة رينو- رابطة كيا - رابطة فولكس (يعنى كل قسم من اقسام السيارات ) في البنك
لو كل واحد 4000 او 5000 هنقدر نجيب حاوية او اتنين ومن ناحية البطاقة الاستيرادية ممكن شركات الاستيراد وحد مننا نتفق عليه هو اللي يسافر ويشتري ونكلف اي شركة شحن والله سهلة جدا بس كلنا نوافق وربنا هيسرها وساعتها هتبقي من احلي العربيات في مصر هي رينو وهيبقي الطلب عليها كبييير

من ناحية الواقعية والله سهلة اكيد هيكون مبينا محامي ومحاسب ودول بقي يعرفوا الاجراءات القانونية ايه...ومن ناحية الفلوس هيبقي حساب باسم رابطة رينو او رابطة خليها تصدى و موديلها يعدى وقابلية التنفيذ متوفرة لدي الجميع واحنا بقي ممكن نستورد جديد بس ودا سهل جدا ....سفرية لتركيا او تايوان والسفريات رخيصة جدا وهنعمل شركة ليها اي مقر باسم دا وسهل اقدر اوفر المقر وهيكون مقر علي الورق وليه وجود فعلي ولاكن مش شركة شقة يعني عادي...والله سهلة نحدد ميعاد بس نشوف محامي يقولنا الاجراءات القانونية ومحاسب يقول متوسط المبلغ ونتوكل علي الله

الموضوع منقول مع تعديلات بسيطه من عندى

رد: زهقنا من جشع التجار نلم ونستورد احنا من تركيا والصين

أستاذ يحيى - إنت بتحلم حلم كبير قوي - المصريين لا يعرفون العمل الجماعي إلا خارج مصر أما هنا و من واقع خبرتي (أنا عجوز شوية) - عايز حاجة تخلص في يوم إديها لواحد يعملها - عايزها في يومين إديها لإتنين يعملوها - عايز ما تعملهاش خالص كلف بيها تلاتة هتقف فوراً - للأسف ده ميراث مشئوم ورثه الشعب المصري و محتاجين إدارة جديدة تماماً و تربية جديدة تماماً على ثقافة العمل الجماعي -تحياتي

رد: زهقنا من جشع التجار نلم ونستورد احنا من تركيا والصين

ما هواحنا لازم يا استاذي نحاول ناخد خطوة زي دي ..... اه هيبقا فيه مشاكل كتيرة بس انا شايف انك تشرك معاك ناس اكتر مش بس اصحاب الموديلات دي وناس تانية حتي لو انت عايزها للرينو دا بس لتوسيع دايرة التعاون .... وعلي فكرة والله انا حلمت احلام كبيرة جدا في حياتي وبالمجهود الاكبر برده اتحققت بس الموضوع عايز اجتماع واللي عنده استعداد يقول ونحدد يوم ونشوف هنوصل لايه
ولا ننسي الاستعانة بالله اولاً واخيراً

رد: زهقنا من جشع التجار نلم ونستورد احنا من تركيا والصين

فكرة رائعة لكن للاسف مش عملية خالص

رد: زهقنا من جشع التجار نلم ونستورد احنا من تركيا والصين

:12EA7A~153::CONGRA~238: