مصر موتورز مجتمع السيارات - رحلة الى قلب اسرائيل

الفصل الاول :

حكاية اليهود اللى مهماش صهاينة والصهاينة اللى مهماش يهود

فى البداية لازم ناكد على الفرق الكبير بين كلمة يهودى وصهيونى

اليهودى زى المسلم زى المسيحى انسان اتولد لقى نفسه تابع لديانة سماوية تفرق اتباعها بين الملل والنحل والعقائد والمناهج

يعنى ببساطة زى ما فيه مسلم شيعى وسنى ومسيحى ارثوذكسى وكاثوليكى وانجيلى فيه يهودى ارثوذكسى متشدد ويهودى ليبرالى متفتح وغيرة من الصنوف والالوان الموجودة فى كل اطياف الديانات الفكرية والعقائدية

اليهودى الصيهونى تحديدا هو اللى مؤمن بارض الميعاد وسيادة اليهود على كل البشر وما الى ذلك من افكار متطرفة وافعال مشينة على مر التاريخ وبالاخص بعد الحرب العالمية التانية

وبالتالى فيه ناس تقول ان يهود اسرائيل صهاينة فى الغالب لانهم اقتنعو بالفكر الصهيونى وسابو بلادهم وراحو اسرائيل ( فلسطين المحتلة ) وغيرهم من اليهود هم فقط يهود ولا ينبغى اعتبارهم محاربين او ضدنا بالاساس

بس ده تقسيم غير دقيق لان فيه يهود كتير فى بلاد كتير فى العالم كانو فقراء واو مستضعفين ومستعبدين فى بلادهم فلاقو الملاذ الوحيد فى الهجرة لارض الميعاد او فلسطين

لكن ترجع النظرية الاولى تفرض نفسها بان مجتمع اسرائيل كلة هو مجتمع عسكرى والتجنيد الزامى وبالتالى المهاجر لاسرائيل يعلم حتما انه هيمسك السلاح ضد اصحاب الارض الفلسطينين وهيرتكب ويتحمل مسؤلية كل ما تقوم به الالة العسكرية هناك

فغالبا كل يهود فلسطين صهاينة الا من رحم ربى

واحد تانى يقولى بس الكلام ده فى الاجيال الاولى اللى سكنت اسرائيل لكن دلوقتى فيه اجيال تانية وتالتلة ويمكن طالع رابعة كمان ودول طلعو لقو نفسهم عايشين هناك مكانش ليهم فرصة ياخدو القرار

ممكن بس غالبا الالة الاعلامية الاسرائيلية بتحول الاطفال فى اسرائيل حتى قبل البلوغ الى صهاينة 100%

لكن كل شىء فيه استثنائات طبعا انما الاغلبية صهاينة

اما اليهود اللى بره اسرائيل ففيه منهم صهاينة بردو وبيدعمو اسرائيل وفيه ضد اسرائيل تماما

ايوه فى يهود ضد اسرائيل وبيتظاهرو ضدها كمان

http://www.wildolive.co.uk/images/neturei%20karta.jpg

http://3.bp.blogspot.com/_vzF0iLAo7Z...+copy+copy.jpg

http://www.channer.tv/monday188.jpg
http://www.youtube.com/watch?v=9oeB3QhX2RI

http://www.youtube.com/watch?v=5ADFl4138d4

ومش بس كده بيحرقو علم اسرائيل هما كمان

http://www.youtube.com/watch?v=12cfVKQyrMw

http://www.youtube.com/watch?v=8ptMq2qXdNs

اذن الدرس الاول

ليس كل اليهود صهاينة

نستكمل حكاية اليهود اللى مهماش صهاينة والصهاينة اللى مهماش يهود

قولنا فيه يهود ضد الفكر الصهيونى وضد ممارسات الدولة العبرية وبيحرقو علمها كمان

وفيه يهود على القناعة ديه فى اطار دينى زى جماعة ناطورى كارتا اللى حطيت الفيديوهات بتاعتها

او بشكل لبيرالى مستقل ... هو طلع فكر لقى ان اسرائيل غلط وفهم اللعبة كلها وبس بقى يهودى بس مش اسرائيلى ولا صهيونى

فى المشاركات الجاية هستعرض تفاصيل اكتر عن الشرائح ديه من اليهود بس خلينا نراجع الاول

كده قولنا فيه يهود كتير مش صهاينة سواء بدافع دينى او فكرى او اخلاقى

وكنا بنقول ان فيه صهاينة ومهماش يهود

ودول غالبا مسيحيين غربيين متطرفيين بتتلاقى افكارهم المريضة مع الافكار الصهيونية ومن اشهر الاوعية اللى بتضم زبالة الفكرين هو الوعاء الماسونى ومعروف مدى تغلغل الماسونية فى المجتمعات المسيحية الغربية

فدول ( الصهاينة اليهود ) عايزين ييقمو مملكتهم التانية على الارض ومنتظرين خروج المسيح ( النسخة اليهودية)
والتانيين ( الصهاينة المسيحيين) عايزين رجسة الخراب اللى هى دولة اسرائيل كما وصفت فى الكتاب المقدس تقوم فيقوم المسيح ينزل من السماء على الارض وياخدهم ويطلع تانى !!!

الاتنين شايفين انهم اذكى مخلوقات فى الارض وانهم بيتحكموا فى العالم كله والاتنين بيستعجلو النهاية الحتمية وكل واحد فاكر انها فى صالحة

شىء رائع

بس كده مش عايز اطول عليكم علشان يفضل الموضوع ظريف

مرة تانية مش كل اليهود صهاينة وفيه صهاينة مش يهود

http://www.youtube.com/watch?v=K2caeWiuJBg