مصر موتورز مجتمع السيارات - يا ملاك ستروينAX ساعدونى ا

مصر موتورز مجتمع السيارات (https://www.masrmotors.com/vb/index.php)

- ستروين Citroën (https://www.masrmotors.com/vb/forumdisplay.php?f=18)

- - يا ملاك ستروينAX ساعدونى ا (https://www.masrmotors.com/vb/showthread.php?t=123539)

يا ملاك ستروينAX ساعدونى ا

السلام عليكم
ياريت يا جماعة تساعدونى فى حيرتى دى
انا معايا 18000 بالعافية وكنت ناوى اجيب 127 وبالصدفة شوفت ستروين AX
ودخلت دماغى اوى وقلت هى دى
وسالت كام واحد عليها قالولى بلالالالالالالالالالالالا لالالالالالالالالالالالال الالالالالاش منها دى هتعلمك الادب وتكرهك فى العربيات كلها بسبب انك هتلف على قطع غيارها والميكانيكا بتاعتها صعبة ومش اى حد بيفهم فيها وكمان قطع الغيار غالية جدا
ومن وقتها وانا مضايق اوى ومش قادر ابص ل127 بعد ما كنت فرحان بها
ياريت تساعدونى الكلام اللى اتقال على ستروين مظبوط ولا لاء:thnkr:

رد: يا ملاك ستروينAX ساعدونى ا

ال ax تحفة بس اللى يراعيها و قطع الغيار نادرة فعلا بس موجودة و فيه جديد و مستعمل و فعلا مش اى حد يشتغل فيها بس هو كل اللى مطلوب منك لما تجيبها تتعرف على الميكانيكية المتخصصين فيها

رد: يا ملاك ستروينAX ساعدونى ا

عاوز نصيحتى
ال127 إتهرت و إتبهدلت و هتلاقى الموديل قديم (غالباً ثمانينات) و أكيد شكلها نمطى مش حديث يعنى
السيتروين AX تشدك من شكلها و إمكانياتها و كونها تنتمى لشركة فرنسية, بس المشكلة فعلاً فى الميكانيكا و قطع الغيار (حاجة مقرفة بجد خاصة لو إنت جديد فى عالم السيارات)

النصيحة: إشترى ليك و للسوق, حاجة تخدمك مش إنت إللى تخدمها
أرشحلك و إسأل برضة: ماروتى
عربية قيمتها فيها و شكلها مقبول و قطع الغيار رخيصة و الميكانيكا بسيطة أى حد بيفهم فيها و موديل حديث و سحبها ممتاز و إستهلاك البنزين أقل من أى عربية ثانية
عيبها إنها مش بتاعة جرى ( و ده ينطبق على الـ 127 و السيتروين برضة) يعنى خلى أعلى سرعة ليك 100/120 بالكتير علشان تحافظ عليها, و دى طبعاً سرعة ممتازة فى مصر (أصلاً الشوارع بتاعتنا لو جبت فيها 60 كم/س تبقى مبسوط و تقول الطريق مفتوح و مفيش تكسير و لا مطبات)
برضة يعتبر حجمها صغير شوية عن الـ 127 و السيتروين, بس هتشترى دماغك
و ربنا يوفقك لكل الخير

رد: يا ملاك ستروينAX ساعدونى ا

السلام عليكم
متشكر اوى يا رجالة
انا فعلا صرفت نظر عن سيتروين لانى اول مرة اجيب عربية يعنى جديد فى العربيات ومش هعرف اتعامل معها
فيه قدامى دايهاتسو شاريد موديل 90 عجبنى شكلها اوى بس لسه مش عارف قطع غيارها اخبارها ايه ربنا يستر
شكلها كده هترسى على 27 اخبط فيها وتعلم فيها السواقة ويكون ربنا كرمنى بمبلغ واجيب عربية محترمة
دعواتكم

رد: يا ملاك ستروينAX ساعدونى ا

ربنا يكتبلك الخير