مصر موتورز مجتمع السيارات - محتار بين الجديد والمستعمل عاوز عربية أداءهـا عالي , اطلب مساعدة الخبيرين في مجال ال performance

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

محتار بين الجديد والمستعمل عاوز عربية أداءهـا عالي , اطلب مساعدة الخبيرين في مجال ال performance

السلام عليكم

أنا في الحقيقة إن شاء الله هاجيب كمان فترة أول عربية في حياتي لأن أنا سني 18 ونص طلعت الرخصة وناقص اجيب العربية المهم أنا عاوز عربية تجيب ال 100 في 7 ثواني

في الحقيقة اودامي حال وهو إني اجيب سيت ابيزا و لكن مش العادية أنا بتكلم على اللي هي 1.4 tsi 175 حصان وأنا عاوز اعرف سعرها نسبيا لو جت و ممكن تقريبا اسال أي تاجر بيجيب من برة أو ممكن الفا روميو 1600 جديدة أو عربية عادية و يتعملها tuning في الورش النضيفة اللي في الحرفين زي amr macgyver , mohamed bdawy و امثالهم الكثيرين واعليها من مثلا 110 حسن ل 170-200 حصان للعلم أنا اخري 130-140 ألف جنيه بكل حاجة ممكن اجيب زيرو أو لو مش هينفع ممكن اجيب مستعمل نضيف زي بي ام دبليو m3 موديل مابين 1995-2003 أو هوندا سيفيك sir موديل 1994 175 حصان أو كريسلر سبرينج واظبطها أو أي حاجة شبه اللي بتكلم عليه زي اجيب عربية واسقطلها موتور أو مثلا اعلي الأداء بتربوا وسوبر شارجينج و حاجات K & N ارجو المساعدة

منتظر ردود حضراتكم

لكم مني جزيل الشكر و فائق الاحترام والتقدير

رد: محتار بين الجديد والمستعمل عاوز عربية أداءهـا عالي , اطلب مساعدة الخبيرين في مجال ال performance

يا رجالة ارجو المساعدة :)

رد: محتار بين الجديد والمستعمل عاوز عربية أداءهـا عالي , اطلب مساعدة الخبيرين في مجال ال performance

موضوع 100 فى 7 ثوانى مش اى عبية تقر تديهولك وفى الزيرو هايكون سعره عالى اضف ان الافتا فى الجرى خصوصا انك لسه مطلع الرخصة اخرته مش كويسة وعموما لو مصر ممكن تجيب عربية مستعملة يكون من ضمن مواتيراها الاصليه موتور تربو بعدد احصنة عالى وتسقطلها الموتور ده وتحسن الفرامل والعفشة وربنا يسترها معاك

رد: محتار بين الجديد والمستعمل عاوز عربية أداءهـا عالي , اطلب مساعدة الخبيرين في مجال ال performance

الأختيارات أنت قولت معظمها, ياتجيب عربية جديدة تربو, سواء جولف أو فيات لينيا أو بونتو.

الحل التانى اللى أنا بفضله, هات عربية شاسيه وأساسات سليمة والباقى مش مهم, وأعملها من أول وجديد.

مثلا البى أم الشارك, وسقط المكنة ال 2.5 وتربنها, وهيبقى معاك صاروخ, قوة رهيبة ووزن خفيف, أو حتى خليها بموتورها بس تربنه.

أو هات لانسر كريستالة, وسقط موتور مايفك وتربنه, أو أقلبها أيفو, نصين الأيفو الأستيراد فى حدود 20 ألف جنيه, بس هيبقى نصين أيفو 4 غالبا, أو سقط الموتور ال 2.4 وتربنه برضه, هيبقى معاك عزم وباور خيالى.

الهوندا أنا مش من كبار معجبيها بصراحة, بس الهوندا عموما هيبقى صعب توصل بال vtec لتسارع كويس فى 7 ثوانى خاصة لو مش متعود على العربية أو الموتور مش مظبوط, بس بعد ماتجمع سرعة هاتطير من على الأرض.

عايز راحة وعربية جميلة وشكلها حلو تقضى الغرض وكماليات وتجرى ومن غير تعب, خليك فى الموديلات الجديدة أحسن زى البونتو أو الجولف والأبيزا, عايز تعمل عربية وتعدل براحتك, ويبقى معاك عربية معروفة بالأسم, هات حاجة بى أم أو لانسر وعدل فيها من أولها لأخرها براحتك.

بس الجديد عمره ماهيبقى زى لانسر متعدلة أو أيفو أو بى أم, غالبا مش هتوصل للقوة اللى ممكن توصلها لانسر مايفك تربو, بس مش هتتعب فى الموضوع.

وعلى فكرة لو معاك عربية 1000حصان عمرك ماهتعرف تجرى بيها فى البلد هنا, غير أنها هتتعبك جدا, السرعة والقوة ليها حدود, بعد كده مالهاش أى لازمة.

وال 130000 جنيه ميجيبوش عربية جديدة قوية ويعدلوا عليها, أو حتى مستعملة, ده البى أم العادية ال 2004 بتعمل حوالى 90 ألف!!!

بس ممكن تجيب واحدة حالتها حلو وتطلع على عمو ميدو:) (ميدو بريفورمانس), وتركب تربو على الموتور الأصلى, وتطير.

الموضوع كبير وعايز دراسة, ربنا يوفقك.