مصر موتورز مجتمع السيارات - من أسوان و الجو نار ...... هموت من الحر ..... التكييف عذبنى

مصر موتورز مجتمع السيارات (https://www.masrmotors.com/vb/index.php)

- تكييف السيارة (https://www.masrmotors.com/vb/forumdisplay.php?f=150)

من أسوان و الجو نار ...... هموت من الحر ..... التكييف عذبنى

عربيتى شيفروليه لانوس مو 2010 التكييف بتاعها جننى و انا من أسوان و ما أدراكم ( ربنا يكفيكم نار جهنم ) تكييف عربيتى بروح اشحنه فريون كل بداية صيف ب120 جنيه يا سادة قال ايه !!!!!! ( فريون امريكى ) الصراحة و انا طالع من الورشة بعد شحن الفريون التكييف بيبقى رائع ثم يبدأ العد التنازلى يوما بعد يوم لدرجة انى بشحنه فريون 3 مرات فى فصل الصيف و كل مرة اخلى الصنايعى يراجع على التكييف بالكامل علشان التسريب و الاحظ ان مفيش اى تسريب و مفيش فايدة و الحال كما هو عليه و بتكلف 360 جنيه كل صيف علشان يعدى الصيف بسلام
دلووووووووووووووووووووووو ووووووووووووووووووونى
نفسى اشحن فريون مرة تاخد معايا الصيف كله
هل امنيتى دى مستحيلة ؟؟؟؟؟ ام انها حلم صعب التحقيق !!!!!:w6w200504112245306e

رد: من أسوان و الجو نار ...... هموت من الحر ..... التكييف عذبنى

اكيد فى تسريب بس تسريب صغير استحالة يكون عادى كدة روح لحد تانى وقولة واكشف

رد: من أسوان و الجو نار ...... هموت من الحر ..... التكييف عذبنى

لازم يكون في تسريب

رد: من أسوان و الجو نار ...... هموت من الحر ..... التكييف عذبنى

ياخى المشكله انك فى اسوان انت لو كنت فى القاهرة كنت روحت عند الراجل اللى بتعامل معاه بيعمل الاتى فى اى شحن تكيف

1:بيضغط دايرة التكيف على ضغط 350 PSI
2:بيسيب العربيه وفيها حساس الضغط بتاع حوالى ساعتييين او ثلاثة ساعات وبيفضل يراقبه لو نقص PSI واحد يبقى فيه تسريب
منقصش يبقى خلاص

المهم لو فيه تسريب بيجيب مايه وصابون بيفضل يمر على دايرة التكيف كلها ولو ملاقاش حاجه فى الدايرة التكيف اللى فى حوض الماتور بيضطر يفك التابلوه علشان يشوف تلاجة التكيف لان ديه اللى ممكن كدا يكون فيها تسريب وطبعا لو طلبت اوووى بيطلع دايرة التبريد كلها بره بالكباس بالتلاجه بكله ويضغطها هوا على ضغط 350 PSI ويشوف بقى التسريب منين ولازم يبقى فيه حاجه بتسرب مفيش حاجه اسمها مش بتسرب وطبعا الجزء اللى بيسرب بيروح يشوف لو ليه اصلاح بيصلحه ولو مالوش بيخليك تجيب واحد جديد
المهم بقى بيركب تانى التكيف و بعد ميتأكد ان مفيش تسريب يقوم شافط كل الهوا اللى فى دايرة التكيف بالكمبريسور اللى عنده لغاية ما يبقى اللى جوة دورة التكيف فراغ مفيش ولا ذرة هوا وبعدين يشحن الفريون ماركة (اخوان رزق) اكثر من رائع بصراحه تبريد ممتاز بص على ضغط منخفض اقل بكتير من ضغط الاختبار بس كده وبتلاقى التبريد اكثر من ممتاز بس اللى حضرتك بتقوله ده لازم يكون فيه تسريب مش معقول تشحن فريون فى الصيف ثلاث مرات كدا شىء غير طبيعى :fun_36_1_30[1]:

رد: من أسوان و الجو نار ...... هموت من الحر ..... التكييف عذبنى

السلام عليكم
اكيد في تسريب ومن الممكن ان يكون في الثلاجه كما قال العضو المحترم
والله المستعان