أعمل ايه لما استلم العربية من التوكيل؟
السلام عليكم
ان شاء الله هستلم عربية رينو لوجان 2011 من التوكيل بكرة علي حسب كلام كونتاكت كارز بصراحة انا مش عارف هل في حاجة معينة تنصحوني اسأل عليها او اكشف عليها في العربية ساعة الاستلام؟ او اي نصائح عامة؟ انا عرفت كمان اني هستلم ورقة بساعة و تاريخ الاستلام و من حقي امشي بالعربية م غير نمر لمدة 24 ساعة و سمعت اني ممكن اعلق نمر تجارية حد يعرف حاجة عن موضوع النمر التجارية دي؟ |
رد: أعمل ايه لما استلم العربية من التوكيل؟
الف مبروك عليك العربية و ربنا يديك خيرها و يكفيك شرها
بالنسبة للاستلام يريت يكون بالنهار بص على جسم العربية كويس ميكونش فيها خدوش او تجريح جرب الانوار و الولاعة و التكيف حتي لو دقيقة واحدة و استلام الاستبن و الضمان و الكتلوجات و يفضل ان انت تبص فى الحوض و الشنطة ممكن تقولي دي عربية زيرو و انا هقولك دلوقتي مفيش حاجة مضمونة بالنسبة للنمر التجارية دي بتبقي بالايجار تقريبا 60 او 70 جنيه فى اليوم اسال المعرض اللي هتستلم منه لو عنده او يدلك عليها و مبروك مرة تانية ROSE4UROSE4U |
الساعة الآن 08:12 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017