ارجو المساعدة
 

مساء الخير عليكوا جميعاً
عندي استفسار بسيط بس اجو منكم الرد السريع
انا لسا جايب كيا سيفا موديل 99
هي العربية بصراحة جميلة جداً
بس انا حاسس بشوية مشاكل ارجو خبرتكم فيها
1- حاسس ان السيارة بتاكل بنزين زيادة يعني بفولها و بتعمل تقريباً من 400 الى 450 كم
2- بحس بزنة بسيطة في الدركسيون و انا بحود وتزيد هذه الزنة مع التكيف بس هي محسوسة للسائق بس
3- عندي زرار التكيف الى هو من البارد للساخن اكسر مني ياترى ده ليه حل و لا اعمل اه وهلهو موجود اصلاً ولا اريح دماغي و مدورش
4- حاسس ان نور العربية ضعيف ياترى اعمل اه في ناس قالتلي ركب فوجات و ناس قالتلي ركب لمد اعلى بس انا مش عارف اه الصح
5-انا جايب العربية ب 43 الف جنيه ومكانش فيها غير شوية الحاجات بسيطة ياترى اه رايكوا في السعر
واسف جداً اني طولت عليكوابس ارجو انكم متبخلوش بخبتكوا عليا

رد: ارجو المساعدة
 

الف مبروك العربي و ربنا يديك خيرها و يحميك من شرها
استهلاك البنزين يقاس علي الطريق السريع و ليس بداخل المدينه
اتأكد من ان سير الباور و التكييف مشدود
اما لو الدركسيون بيتهز في ايدك يبقي دا قاعده موتور مش سليمه
-ممكن تشتريه استعمال انما جديد مش حتلاقي
اغسل الفوانيس و شوف لو اللمبات تعبانه هات اللمبات الالماني الزئبق و بلاش اللمبات البيضا
و لو مافيش كتاوت في العربيه ركب كتاوت حيفرق معاك كتير
سعر العربيه معقول و ربنا يباركلك فيها:)

رد: ارجو المساعدة
 

انا شاكر جداً للرد السريع يا استاذ حازم
بس كان ليه استفسار بسيط :
1- لوحبيت اجيب اللمبات الالماني و اركب كاتاوت هيكلف كام
2- و ياترى تعرف حد اقلاقي عنده الزرار بتاع التكيف
3- عندي هوايات التكيف القي من ناحية البربريز سايبه و التابلوه تحس انه باظظ شوية و لما سالت قالولي السيفيا كلها كده في ناس قالتلي سيبه و في ناس قالتلي السروجي بيعمله ياترى حضرتك رأيك اه*
4- هو في حاجة اسمها فلتر التكيف لأن بتاع التكيف قالي اغيره لأن السيارة عاملة 115 الف كم و لما سألت صاحب السيارة الاولاني قالي ان عمره ما غيره فهو فعلن في حاجة اسمها فلتر تكيف و هل هو فعلن لازم يتغير و ياترى هو مكانه فان
و معلش جداً لانى اكيد خنقتك بأسالتي الكتيرة و شاكر جداً كمان مرة للرد

رد: ارجو المساعدة
 

بالنسبه للتكلفه للمبات و الكتاوت معنديش خلفيه الصراحه
و نفس الموضوع بالنسبه لقطع الغيار الاستعمال
بالنسبه للفلتر طالما التكييف شغال كويس بلاش تلعب في اي حاجه
لو عاوز شحن و تنضيف سربنتينه اوك انما مش لازم تغير الفلتر

رد: ارجو المساعدة
 

فلتر التكييف هتلاقيه ورا درج التابلوه