متعة المشى فى الحارة الشمال براحة
 

يتميز المصريين بمتعة غريبة وعجيبة ان تلاقى الواحد ماشى مثلا على

الصحراوى على الشمال على 80 كم والعربيات اللى جاى بسرعة بتطلع منه

من اليمين وحيتعمل حادثة عشان الباشا مش عاوز وياسلام تنور لواحد وانت

جاى بسرعة يديك اشارة شمال ليه نفسى افهم وبرضه فى حاجة من الحاجات

اللى بتموتنى محدش بيوسع لعربية الاسعاف وكمان اللى بيمشى وراها فى

الزحمة دى حاجة من اكتر الحاجت اللى بتنرفز وبتضايقنى وده بيزود نسبة

الحوادث وربنا مايرضاش انك تعرض حياتك وحياة غيرك للغلط

رد: متعة المشى فى الحارة الشمال براحة
 

عندك حق والله كأنه اتعلم يمشى على الشمال بس

و يحسسك انك غلطان

واللى بيغظنى الميكروباصات والتاكسيات والنص نقل لما تكون الدنيا زحمة وواقفة وده يفضل يدى كلاكس متقطع

بيخلينى هتجنن كأنه فرحان بالكلاكس ولما يكون فى مطب صناعى وانت مهدى عشان تاخده براحة و ده وراك

يديللك كلاكس عشان تخلص المهم ابص عليه فى المراية الاقيه بيخده براحة

ده غير نظرية البوز اللى بوز العربية يدخل الاول هو اللى يعدى.

حاجة تخنق

رد: متعة المشى فى الحارة الشمال براحة
 

هو فعلا حاجه مستفزه
الواحد يكون ماشي و يلاقي واحد قدامه ماشي بالراحه علي الشمال
تحس انه اشتري الحاره الشمال و كتب العقود مع الحكومه و بقت حارته الخاصه ما يتنقلش منها ابدا
و اللي مش عاجبه يروح حاره تانيه انا مش منقول من هنا
النموذج دا بعمل معاه حاجه من اتنين
يا اما اهدي و اجي وراه و ارعش بالنور و كلاكسات علشان يوسع
لو ما وسعش اقوم مشغل النور العالي و اخليه يضرب في المرايه عنده جوه علشان
ازغلل عنيه و انرفذه(و بيتنرفز فعلا الا لو فاهم مرايات و حرك دراع العاكس في المرايه)
دي حركه
حركه تانيه بقي اقوم جاي قدامه و مهدي و اغلس عليه و اجبره انه ينزل سرعته كمان و يسيب الحاره
من كترالكلاكسات اللي بتضرب وراه.,

اما بالنسبه للاسعاف فدي لازم اوسع لها مهما كان بالرغم ان كتير بيبقي مش معاهم مصابين او مرضي
لكن السواقين بيحبوا يستخدموا سلاطاتهم في توسيع الشوارع
بس بصراحه ساعات بعمل نفسي من قرايب المريض و امشي وراهم ptmnlo123per145

رد: متعة المشى فى الحارة الشمال براحة
 

انا هاحكى على حاجة حصلت معايا واكيد هانطلع منها بتفسير بسيط للى حضرتك اتكلمت عليه
مرة كنت ماشى فى الحارة الشمال على الاوتوستراد طريق حلوان - 15 مايو وسرعتى حوالى 110 كم ولمحت واحد ماشى بعربية 127 قدامى فى الشمال برضه وبينى وبينه مسافة كبيرة وهو ماشى براحته على الاخر
قلبت النور العالى وكلاكسات ......... مافيش فايدة والحارة اليمين ماشى فيها تريلات ورا بعض
ياعم امشى ........ مافيش فايدة .......... طب شد شوية ......... برضه مافيش فايدة ........ وراح مدينى اشارة شمال وبعديها انتظار رغم ان الطريق فاضى قدامه مافيش حاجة وكمان مايش ملفات شمال ولا حاجة
المهم بقيت على اخرى ........ روحت قارص على العربية وخدت غرزة منه ومن التريلات لدرجة والله انا حسيت ان انى هانزل تحت دوبل التريلا من شدة قربى منها ......... وجيت قدامه ورحت مهدى ومديله انتظار وغلست عليه لحد لما وقفنا خالص وبرضه فى الشمال وده اكبر غلط ......... المهم لاقيت صاحبنا معاه واحدة واخر روقان فى الكلام وهى وهو بيتكلمو فى الموبايل
كلمته وانا منفعل شوية ........ لما تحب تمشى براحتك تاخد اليمين واعمل اللى انت عايزهptmnlo123per111
قفل تليفونه وبصلى باستغراب شديد ورد عليا بكل برود ........ يا استاذى الفاضل انت مش عديت منى ..... خلاص الموضوع خلص انت منفعل ليه .......... انا اتعلمت انى لما اسوق اعتبر نفسى ماشى لوحدى فى الشارع وماليش دعوة بحد .......... واللى مستعجل أو مش عاجبه يطلع منى ......... وبسد ودانى عن الكلاكسات وباعمل نفسى مش شايف الرعاش ........ ولا تنرفز نفسك ولا حاجة ......... الموضوع بسيط ........ptmnlo123per111
بالله عليك ارد عليه اقوله ايه اذا كان اللى علمه السواقة قاله كده
ياترى حضرتك فهمت السبب فى متعة السواقة فى الحارة الشمال ؟؟؟!!!!!!ptmnlo123per195p tmnlo123per111

رد: متعة المشى فى الحارة الشمال براحة
 

وفي ناس اسخف بتعمل انتظار اما تظمر