مصر موتورز مجتمع السيارات - لو سمحت محتاج مساعدة في موضوع طقم الشنبر ده

صفحة 1 من 4

عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)

- سيات SEAT (https://www.masrmotors.com/vb/forumdisplay.php?f=20)

- - لو سمحت محتاج مساعدة في موضوع طقم الشنبر ده (https://www.masrmotors.com/vb/showthread.php?t=42158)

pop201

07-12-2010 11:44 PM

لو سمحت محتاج مساعدة في موضوع طقم الشنبر ده

ياجماعة ياريت لو حد مر بالموضوع ده يفيدني بخبرته وتجربته فالمجال ده ... اولآ انا معايا ابيزا 2001 ماتور 1000 سي سي العربية فيها بوجيه واحد بييجي علي سن الشمعة بتاعته زيت وبيخلي العربية تمشي علي تلاته بس واول ما اغيره تمشي كويس روحت لميكانيكي قالي محتاجة طقم شنبر نصف عمره ,, السؤال لو سمحتم تكاليفها قد اية الاسعار, وتاخد وقت فالتركيب قد ايه ,وهل لو حد عملها يرشدني عربيته عامله اية معاه بعد تغير طقم الشنبر والف شكر مقدمآ واسف للاطالة

samirayad

07-12-2010 11:56 PM

رد: لو سمحت محتاج مساعدة في موضوع طقم الشنبر ده

هى المكنه بتاكل زيت كتير

ولا بسيط

لو بتزود زيت كتير والعادم كتير من عند الشكمان

يبقى أحتمال الشنبر هو الأقوى

لو أستهلاك الزيت يكاد يكون غير ملاحظ على المقاس

وسحب العربيه تمام

يبقى الشنبر مش محتاج تغيير ...والمشكله فى تلف كاوتش الصباب فقط

tareksakr

08-12-2010 12:32 AM

رد: لو سمحت محتاج مساعدة في موضوع طقم الشنبر ده

زي ما قال المهندس سمير وعموما التكلفة هتبقي في حدود 1000 جنيه بس يستحسن تتأكد الاول ان الموضوع من الشنبر مش من كاوتش الصباب

pop201

09-12-2010 04:58 AM

رد: لو سمحت محتاج مساعدة في موضوع طقم الشنبر ده

الف شكر للاساتذة الفاضلة سمير وطارق لسرعة الرد وانا بصراحة عندي بوجيه رقم 3 هو اللي بييجي عليه زيت وبيخلي العربية تقطع ولازم ابدله عشان سحبها يرجع لطبيعته اما بالنسبة لكلام حضراتكم في لون العادم في الشكمان .. مفيش اصلآ عادم بيخرج وليه لون العربية طبيعية المشكلة فالزيت اللي علي البوجية وزي ما قال الاستاذ سمير أستهلاك الزيت يكاد يكون غير ملاحظ على المقاس يبقي الحل زي ما قولت ياباشا كاوتش الصباب فقط ..طيب ولو منه اية التكاليف وشكرا

a.abdelfatah

09-12-2010 04:04 PM

رد: لو سمحت محتاج مساعدة في موضوع طقم الشنبر ده

طب يا جماعة انا عندى سؤال بعد اذنكو

انا معايا ايبيزا 94 وعليها مكنة 2e 2000 cc

والمكنة بتاكل زيت وفى دخنة بيضاء فى اول الدوارة فقط

فكده انا شكلى داخل على طقم شنبر وصبابات

السؤال هنا : اعمل طقم شنبر ؟

وفى واحد فى الحرفيين قاللى هات بلوك بالوش وده معناه انى لازم اغير رقم الموتور

فى الرخصة واذا كان كده ايه المطلوب للمرور علشان اغير رقم الموتور

وايه رأيكو اعمل طقم شنبر ولا بلوك بالوش !!!!!
واسف للاطالة . بس الموضوع مهم جدا يا جماعة ومش عارف اخد قرار

والبركة فى رأى الخبراء برده .. وشكرا

الساعة الآن 07:24 AM.

صفحة 1 من 4

عرض 7 مشاركات من هذا الموضوع لكل صفحة