ياريت من احلى ناس هنا الرد بضمير ونهائى؟
 

السلام وعليكم ورحمة الله وبركاتة دى اول مشركاتى فى المنتدى هنا واحلى ناس و بالاخص منتتدى كيا و مصر موتورز كلها وبحى الناس كلها ويارب تكونو بخير انا انشاءالله عايز اجيب عربية جديدة وبجد الواحد فى حيررررة ديما و بجد دماغى بقت بتوقف من كتر التفكير فى الموضوع دة لان الفلوس الى هتتدفع كتير ومش قليلة و الواحد تعبان وشقيان فيها فا سؤال لى احلى رجالة هنا هل اجيب سيراتو هاى لاين و لا رينو فيلونس والاتنين يعتبر نفس التمن دى ب130 ودى 130 الف جنية حاجة كدة فا اية بس امكانيات اقل من السيراتو اكيد بس يعتبر الى حاجات الى فيها جامدة فى الرينو مش قليلة بردة رايكم فى الحوار دة ودى اول عربية هسوقها ونفسى اجيب حاجة مندمش عليها وانا شايف الناس بتشكر فى الكيا اوى وناس بتعيب و مش عارف اصدق مين و لا اكدب مين و اروح اسال مين قولت اقولكم انتوا تجيبوا من الاخر و لو فى عربيية تانية فى نفس الرنج و احسن او ارخص و احسن يارت تقولوا وتخدمونوى بجد عمرى ما هنسى الموضوع دة وياريت لو اعرف الى اقل من الكيا سيراتو الهاى لاين الموصفات كلها بتاعت 2011 عشان انا شايف ان الهاى لاين جيبا من الاخر وانا بتكلم توكيل ياجدعان وبلاش خليجى وشكرااا بجد ليكم وتعبتكم معايا الف شكر لى احلى منتتدى بجد :)

رد: ياريت من احلى ناس هنا الرد بضمير ونهائى؟
 

السلام عليكم
شوف يا باشا .محدش هيكون قاصد انه يضرك .الناس بتكون عندها وجهه نظر ومقتنعه ومتمسكه بيها وبس.
نصيحتي :
1-استاجر العربيتين وجرب سواقتهم بنفسك واحكم انت .
2-رينو ناعمه جدا ومريحه خالص بس كلها 3 او 5 سنين وتبدا تحتاج صيانه وقطع غيارها نار وممكن تسال في التوكيل عند طلعه المقطم و في صقر قريش على قطع الاستيراد.ومش هتعرف تبيعها بعد كده ولو بعتها بعد سنتين تخسر40% او اكتر من الي دفعته فيها
3-السيراتو مع صاحبي واسعه من جوه بس عفشتها رديئه وناشفه جدا وكانت اتخبطت من قدام خبطه بسيطه جدا كلفتو حوالي3000 . وبعد ما صلحها بشهر لقى المروحه بتشتغل مع الكونتكت ومبتفصلش!! الموضوع ده كمان كلفه وزهق منها وبيفكر جديا يبيعا .قطعها غاليه وهي ضعيفه جدا من قدام(العربيه شكل وبس).
4-انا رايي بمنتها الصراحه امدام عدينا ال 10000 يبقى فكر في الياباني كرولا , تيريوس...

ده رايي بصراحه الياباني انضف من الكوري بمراحل وبيعيش اكتر ولما بتبيعه تاني مش بتخسر كتير زي الكوري

رد: ياريت من احلى ناس هنا الرد بضمير ونهائى؟
 

طيب ما تشوف كورولا او مازدا 3 ..

دول عربيتين احسن من الفلوانس والسيراتو بزمان .. واعتقد ان الكلام ده ميختلفش عليه اتنين ..

وربنا يوفقك يا باشا ..

رد: ياريت من احلى ناس هنا الرد بضمير ونهائى؟
 

الف شكر ليكم يارجالة على الرد بس ياجدعان التويوتا معدية ال 130 اصلا غالية اوى وكمان بردة كان فيها عيوب وبتاع وبردة حوارات التويوتا ومازدا قطع غيار غالية اوى

رد: ياريت من احلى ناس هنا الرد بضمير ونهائى؟
 

عيوب التويوتا اتعالجت خلاص ومش لازم تجيب اعلى فئه فيها كفايا اتوماتك
ابعد عن السيراتووالانترا والرينو
و ده رايي بكل صراحه