يارس ام اوبتر
 

ايهما افضل
تيوتا يارس 104000 جنيه
ام
شيفورليه اوبترا 105000 جنيه
الرجاء الافاده والمقارنه

رد: يارس ام اوبتر
 

اهلا و سهلا بيك معانا في مصر موتورز
المقارنه غير متكافئه لاختلاف فئات السيارتين
الياريس اصغر من الاوبترا حتي لو كانوا في نفس السعر
لو اشتريت الياريس :
حتاخد شكل جذا و استهلاك قليل للوقود و راحه لا مثيل لها
و اعتماديه تذهل العقول دائما و شعور بالارتياح لمجرد النظر الي علامه تويوتا!!!

لو اشتريت الاوبترا:
حتاخد كابينه واسعه و ثبات اكثر من الياريس بقليل فقط!!!!

شوف انت استعمالك شكله ايه و عدد افراد اسرتك و بالتالي حتقدر تحدد العربيه اللي انت المفروض تجيبها

رد: يارس ام اوبتر
 

معلش انا اسف ما فهمتش الرد
يعنى ايه فئتين مختلفتين ؟
يعنى انا لو بنى ادم طبيعى ومعايا 105000 جنيه
وعايز اجيب عربيه من الاتنين اجيب ايه وليه؟
مع الشكر الجزيل

رد: يارس ام اوبتر
 

انا اقصد ان كل سياره في فئه مختلفه رغم تقارب السعر
يعني الياريس فئه السيارت الميني و الاوبترا فئه السياره العائليه الصغيره.
يعني زي الفرق بين ال 127 و ال 131 علي سبيل المثال.
انا دلوقتي لو بشتري بحدد انا عاوز ايه من العربيه
هل انا عاوز عربيه اقتصاديه ولا عاوز عربيه موتورها كبير
عاوز عربيه واسعه لاني اسرتي مكونه من خمس افراد و لا عراوز عربيه معقوله
لان انا لوحدي بستعملها او انا و مراتي و ابني الصغير و بس فبالتالي مش محتاج عربيه كبيره.
يا تري بسافر بالعربيه كتير و كل يوم علي طريق و عاوز عربيه ثابته
ولا بسافر مره كل اسبوع او مره في الشهر او مش بسافر خالص و عاوز عربيه موفره في البنزين.

بناء علي دا كله تقدر تحدد اي عربيه تحب تركبها و ترتاح فيها اكتر

رد: يارس ام اوبتر
 

انا فعلا معاك يا استاذ حازم فى كل اللى قولته ودة من الاخر لازم تحدد انت عاوز ايه من العربيه قبل ما تقرر تشترى ايه كل العربيات حلوة وجميله لكنت انت عاوز ايه منها انت اللى تقرر مش حد تانى لانه انت اللى ها تسوق وتشترى