مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   المرور والشهر العقارى (https://www.masrmotors.com/vb/forumdisplay.php?f=89)
-   -   مرور البساتين ؟؟؟؟؟ (https://www.masrmotors.com/vb/showthread.php?t=96970)

alaatitoo 06-09-2012 10:49 AM

مرور البساتين ؟؟؟؟؟
 
السلام عليكم ورحمة الله وبركاته

ياشباب انا ساكن فى حدائق المعادي تبع قسم البساتين وهطلع رخصة خاصة باذن الله عاوز اعرف الاول فين مرور البساتين عشان معدش الف حوالين نفسي وكمان هل فيه حد يقدر يساعدنى على استخراج الرخصة وانا الحمد لله سواقتى 75 % كويسة لانى لسه بتعلم فيها وتانى حاجة انا عرفت ان الاوراق المطلوبة فصيلة دم وشهادة باطنة وشهادة رمد هل لازم الشهادات ده تكون من مستشفى حكومى ولا اي مستشفى ويكون عليها ختم ارجو مساعدتى ولكم جزيل الشكر ....

zing0 06-09-2012 01:22 PM

رد: مرور البساتين ؟؟؟؟؟
 
و عليكم السلام و رحمة الله و بركاته
أهلاً بيك و بأهل المعادى كلهم
بص يا باشا, مكان مرور البساتين: هتطلع عالأوتوستراد هتلاقى الكوبرى الدائرى (ليه طالعه عاليمين) هتأخد أول يوتيرن شمال, مكان المرور تحت الكوبرى على يمينك بعد ما تأخد اليوترن و ترجع - و هتلاقى هناك كمين مرور واقف أسأله هيقولك أهو.

- بالنسبة علشان حد يساعدك أنا لا أعرف لأنى مش تبع مرور البساتين, بس اللى أنصحك بيه تتدرب صح و تجيبلك كام جركن زيت فاضى أو كام كاوتش عربية قديم ...أى حاجه تعملها زى الإقماع و تتدرب عليها و عالمرايات حلو و الإمتحان سهل متخافش , و برضه تدخل على موقع وزارة الداخلية -الإدارة العامه للمرور و تشوف الإختبارات النظرى و العلامات إزاى.
* بالنسبة لإختبار العملى: الضابط بيكون قاعد و بيشوف الإختبار, الإختبار عبارة عن حرف C و ليها مدخل جانبى بتدخل بالعربيه بهدووووووووووء لحد آخر السى و ترجع بظهرك و تطلع من الفتحه الجانبيه, بس خللى بالك, الإختبار معمول على أرض مايله, يعنى هتكون فى الأول طالع و بعدين و إنت راجع بظهرك هتكون نازل, فلازم تتعود تتحكم فى العربيه علشان متفصلش منك و متريحش للخلف لواحدها, قصدى تكون إنت اللى متحكم فيها مش سايبها تمشى حسب الميل بتاع الأسفلت, بس المسافه بين الإقماع واسعه و تدخل عربيه نقل متخافش.

بالنسبة للشهادات الطبية من أى مستشفى أو مستوصف مش مهم, المهم يكون فيه ختم نصه عالشهادة و نصه على الصورة الشخصيه (يعنى خد معاك صور شخصيه و أنت رايح تجيب الشهادات الطبيه)
http://im29.gulfup.com/2012-09-06/1346926873192.jpg

alaatitoo 06-09-2012 02:01 PM

رد: مرور البساتين ؟؟؟؟؟
 
اقتباس:

المشاركة الأصلية كتبت بواسطة zing0 (المشاركة 754175)
و عليكم السلام و رحمة الله و بركاته
أهلاً بيك و بأهل المعادى كلهم
بص يا باشا, مكان مرور البساتين: هتطلع عالأوتوستراد هتلاقى الكوبرى الدائرى (ليه طالعه عاليمين) هتأخد أول يوتيرن شمال, مكان المرور تحت الكوبرى على يمينك بعد ما تأخد اليوترن و ترجع - و هتلاقى هناك كمين مرور واقف أسأله هيقولك أهو.

- بالنسبة علشان حد يساعدك أنا لا أعرف لأنى مش تبع مرور البساتين, بس اللى أنصحك بيه تتدرب صح و تجيبلك كام جركن زيت فاضى أو كام كاوتش عربية قديم ...أى حاجه تعملها زى الإقماع و تتدرب عليها و عالمرايات حلو و الإمتحان سهل متخافش , و برضه تدخل على موقع وزارة الداخلية -الإدارة العامه للمرور و تشوف الإختبارات النظرى و العلامات إزاى.
* بالنسبة لإختبار العملى: الضابط بيكون قاعد و بيشوف الإختبار, الإختبار عبارة عن حرف C و ليها مدخل جانبى بتدخل بالعربيه بهدووووووووووء لحد آخر السى و ترجع بظهرك و تطلع من الفتحه الجانبيه, بس خللى بالك, الإختبار معمول على أرض مايله, يعنى هتكون فى الأول طالع و بعدين و إنت راجع بظهرك هتكون نازل, فلازم تتعود تتحكم فى العربيه علشان متفصلش منك و متريحش للخلف لواحدها, قصدى تكون إنت اللى متحكم فيها مش سايبها تمشى حسب الميل بتاع الأسفلت, بس المسافه بين الإقماع واسعه و تدخل عربيه نقل متخافش.

بالنسبة للشهادات الطبية من أى مستشفى أو مستوصف مش مهم, المهم يكون فيه ختم نصه عالشهادة و نصه على الصورة الشخصيه (يعنى خد معاك صور شخصيه و أنت رايح تجيب الشهادات الطبيه)
http://im29.gulfup.com/2012-09-06/1346926873192.jpg

جزاك الله كل خير بجد فيدتنى
ومعلش اخر سؤال وهو حويط شوية

انا بطاقتى البساتين بس انا قاعد فى السلام الشقة بتاعتى تمليك بس هي الاول كانت بتاعة والدتى وعملتلى توكيل فى الشهر العقارى بس لسه محولتش العداد الكهرباء باسمى يعنى الاثبات الوحيد اللى انا قاعد فى شقة السلام هو التوكيل ده اللى باسمى فهل ممكن كده اروح عادي مرور السلام على اساس انها قريبة منى ولا مينفعش لازم اروح بتاعة البساتين عشان البطاقة ياريت تفيدنى وجزاك الله كل خير


:THUMBS~220::THUMBS~220:: THUMBS~220::THUMBS~220:

zing0 06-09-2012 10:27 PM

رد: مرور البساتين ؟؟؟؟؟
 
بصراحه معرفش الموضوع ده, ممكن حد يفيدنا أكتر فى السكن و وحدات المرور التابع لها
بس أنا تبع مرور المعادى, كانوا لاااااازم يشوفو كلمة المعادى فى العنوان اللى فى البطاقه, غير كده روح الدراسه و إثبت إن بيتك فى نطاق حى المعادى !!! تلاكيك


الساعة الآن 10:46 AM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017