أشتري أنهي سايبا برايد أم سبارك أم لادا... أفيدوني أفادكم الله؟
 

السلام عليكم ورحمة الله وبركاته
الأعضاء الأعزاء

معايا مبلغ يديني اختيار بين السايبا برايد الجديدة والشيفروليه سبارك واللادا

وعاوز حاجة فيها تكييف
وتعيش معايا سنوات مش أقل من 10 سنين ويمكن أكتر
وأنا بسافر مرتين في الشهر مسافة 150 كم
ومشواري اليوم في حدود 70 كم

أي من العربيات السابقة أنسب لي ولاحتياجاتي
موضوع الشنطة حاليا مش مهم أوي لكن الله أعلم في المستقبل لما الأولاد يكبروا

حاسس إن السبارك اسم شيفروليه عليها مديها جودة وسمعت الناس بتشكر في أصلها اللي هوه دايو ماتيز

لكن احساسي بإن السايبا برايد أكبر وشكلها من جوه حلو برده وتشيبل ناس أكتر وفيها شنطة مميلني بردوا نحيتها

لكن أنا رقم واحد اللي يهمني هوه الآداء والتحمل لفترة طويلة من السنوات وماتبهدلش في قطع غيار مش لاقيها والكلام ده
ثانيا ييجي موضوع الوسع
ثالثا
موضوع الشنطة

أفيدوني أفادكم الله

رد: أشتري أنهي سايبا برايد أم سبارك أم لادا... أفيدوني أفادكم الله؟
 

انصحك تبعد عن السبارك خالص عربية ضعيفة جدا واصلا الماتيز ديه مليانة مشاكل كانت مع زميلى فى الشغل وباع بيتة عليها

رد: أشتري أنهي سايبا برايد أم سبارك أم لادا... أفيدوني أفادكم الله؟
 

كل العربيات ديه فيها او بيركبلها تكييف مفيش مشاكل

كل العربيات ديه ممكن تعيش معاك 10 سنين واكتر بس ده متوقف على متابعتك للعربية وصيانتك ليها
وخد بالك باستخدامك ده اى عربية فى الشريحة ديه هتجيبها حتى ولو اعلى من كده بعد عشر سنين هتحتاج صيانة ووتجديد لكل حاجة من اول الموتور لكهرباء لعفشة

بس بالنسبة لاستخدامك فهو متوسط الى مرتفع يعنى هتعمل فى السنة فى حدود 25 - 30 الف كيلو فى حين ان المتوسط بالنسبة لاغلب الناس 15 - 20

العربيات فى الشريحة ديه كلها لازم تبقى عارف ان فيها مشاكل تقفيل يعنى تتوقع فبره تتكسر زرار يعلق بكره تنخلع غطا ريداتير يبوظ قزاز كهرباء يتقل سلكة تتقطع حاجات بسيطة متعطلش العربية كلها وسهل اصلاحها اذا كانت قطع الغيار متوفرة والصيانة سهلة ورخيصة

اكتر حاجة فى العربيات ديه تستحمل بهدلة هى الادا بس لو اخترت الادا هتحضى بحاجات كتير من حيث الشكل والراحة

البرايد حل وسط لانها بتجمع ما بين شكل احدث ونعومة وراحة فى القيادة وحاجتها رخيصة ومتوفره لاقصى درجة وافضل محرك واسهل محرك فى صيانته

مع استخدامك ده زى ماقولتلك تتوقع ان تبوظ حاجات بسيطة وتعالجها فى الصيانة الدورية وداخل الضمان

رد: أشتري أنهي سايبا برايد أم سبارك أم لادا... أفيدوني أفادكم الله؟
 

و انا رأيي من رأي ابو نورا
الفئات الصغيره اللي هيا فئه ال 128 ليها شويه حاجات بسيطه زي ما ابو نورا قال.
و استعمالها يدوب من 5 الي 10 سنين و تفتح بقها
و البارومه بتسرح فيها بطريقه بشعه.
زي السويفت كده رغم اقتناعي بيها و انا عندي واحده
لكن عملت مني موقف من كام يوم وقفت في الشارع مره واحده
تدور ما تدورش تزق ما تدورش فتحت الكابود و قعدت ابص
لقيت فيشه رايحه للاسبراتير و سلك منها مقطوع من الفيشه
و الفيشه عاوزه تتغير او تروح تلحم سلك و فيلم كبير .
فركنت العربيه و فكيت الفيشه و روحت للكهربائي جبت واحده زيها
و ركبت السلك و لفيته بشيكرتون و دارت العربيه
و بصراحه انا اتعقدت منها و حبيعها للسبب دا و حشتري فئه اعلي مستعمل
او نفس الفئه بس زيرو.

رد: أشتري أنهي سايبا برايد أم سبارك أم لادا... أفيدوني أفادكم الله؟
 

عاوز كيا برايد سيدان سليمة ماعدا اللون الاحمر لان سنى كبير شوية ولا ارغب فى اللون الاحمر ولكم جزيل الشكر