|
أشترى العربية دى ولا لأ؟
السلام عليكم ورحمة الله وبركاته ... <!-- google_ad_section_end -->اعضاء منتدى البيجو ازيكم عاملين ايه ... أنا من فترة كده وانا بدور على 205 وكان دايما بيجى فى دماغى ادور على حاجة كويسة ولا أدور على حاجة خلصانة بس اساساتها سليمة واظبطها براحتى وكنت دايما فى دماغى بقضل ان انا اجيب حاجة اساساتها سليمة واظبطها بمزاجى وبراحتى وعلشان تريحنى بعد كده... والنهارده كنت مع ميكانيكى بتكلم معاه لما عرف ان انا عاوز اجيب حاجة واظبطها قالى لى طيب ما فى عربيات بتيجى لوط ممكن نجيب عربية هتقف على 7 او 8 الاف ونغيرلك كل حاجة فى ميكانيكيتها ونجيب حاجتها كلها استيراد وهتبقى العربية زى ما انا عاوزها بعد الشد ... بس انا مش عارف اعمل كده ولا لأ ... انتو رأيكو ايه؟؟ |
رد: أشترى العربية دى ولا لأ؟
الفكرة حلوة, بس هتفتح ماسورة فلوس, ده لو العربية حالتها حلوة يعنى هتغير موتور وعفشة وفتيس ده غير شغل الكهربائى والسروجى والسمكرى.
المشكلة هى لو الشاسيه بتاع العربية مش سليم أو عملت حادثة قبل كده, ساعتها ممكن العربية تحدف و أنت ماشى أو تترجرج لوحدها. أنا مش من جهابزة البيجو بس الفكرة حلوة لو معاك فلوس تصرف على العربية فى حدود 15000 وسمكرى نضيف يبص عليها . بس أنا ليا سؤال, اللوط ده جاى منين, مين البايع يعنى؟ |
رد: أشترى العربية دى ولا لأ؟
اقتباس:
هو على كلامه الشاسيه سليم ومفيهوش مشاكل بس انا لسه مشوفتوش ... وبالنسبة للعربية نفسها والحاجات اللى هتتغير فيها ... ميزة ال205 ان قطع غيارها موجودة وأسعارها معقولة جدا يعنى موتورها بيعمل من 2000-2500 بالفتيس استيراد وده اللى مخلينى افكر اعمل كده ... وبالنسبة للمصدر هو بيقول انه يعرف تاجر اعتقد فى جسر السويس انا مش فاكر اوى بس هو تقريبا قال لى فى جسر السويس ده لو تقصد البايع هنا فى مصر انما لو تقصد مصدره من بره دى مش عارفها بصراحة ... هبقى اسأل فيها. |
رد: أشترى العربية دى ولا لأ؟
كلام الميكنيكي مظبوط
هتها اي حاجة و اعملها علي ايدك هتباء كانها زيرو والكلام ده هيكون ف مصلحتك يعني ايك و للزمن و علي الاقل هتكون عارف اولها من اخرها |
رد: أشترى العربية دى ولا لأ؟
اقتباس:
ألف شكر ليك على المساعدة وانا شكلى ان شاء الله هعمل كده فعلا علشان تريحنى بعد كده |
| الساعة الآن 01:47 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017