إلى خبراء شراء السيارات
 

الى خبراء الشراء ياريت حد يفدنى
لا نىناوى اشترى سياره من السوق وعايز اعرف ايه اجرأت الشراء والتسجيل
من البائع ولو الرخصه لسه ساريه هيكون ايه الحل الانسب
من فضلكم الرد لانه لاتوجد لدى اى خبره
حتى لا يتم النصب عليه
وشكرا

رد: إلى خبراء شراء السيارات
 

الرجاء من الاخوه الاعضاء الرد:playing_music:

رد: إلى خبراء شراء السيارات
 

اسف في التاخير علي الموضوع

اولا ربنا يوفقك لما فيه الخير ونصيحة من اخوك لاني فضلت رايح جي علي السوق 6 شهور جمعه وحد جمعه وحد لحد ما فهمت الدنيا ماشيه فيه ازاي

اولا لازم تحدد وجهتك في الشراء انتا عايز ايه

هتنزل الصبح بدري بأذن الله وخلي بالك علشان السوق بنسبة 99% منه تجار وياريت تبعد عنهم وهتحس من لغته في الكلام انه تاجر واساسي مش هتلاقي الرخصه باسمه هتلاقيه معاه توكيل

اولا حاول تبعد عن العربية اللي فيها اكتر من توكيل وياريت ميكونش فيها توكيلات خالص

وتكون الرخصه بأسم المالك منك له مباشرة

تشوف العربية ديه في السوق سعرها كام يعني متروحش عند اول واحد وتشتري

ونصيحة لو هتجيب عربية موديل حديث يبقي تاخدها في التوكيل بتاعها وتكشف عليها هناك علشان تعرف حالة العربية بالملي

لو هتجيبها موديل قديم يبقي تاخد معاك سمكري وميكانيكي تكون ضامنهم زي اسمك علشان ميبوعكش للي هيبعلك العربية وتلاقي نفسك لابس عربية فيها العفاريت الزرق

ابعد عن العربية اللي رشه دواخل ديه بتبقي بنسبة 100% يا عمله حادثه ياما ولعت واترشت دواخلها

وياريت تكون فبريكة بره وجوه يبقي احسن

وبالنسبة لو ربنا وفقك واشتريت عربية الافضل انك تعمل عقد مسجل بأسمك افضل من التوكيل

ولو العربية رخصتها سارية هخلي صاحبها يجبلك بس شهادة برأة الزمه والافضل انك تجيبها في نفس اليوم اللي هتاخدها منه علشان ميكونش عمل بيها مخالفة في اليوم اللي بعها فيها وتلاقي نفسك شايل انتا الليله

والافضل انك تاخد العربية تنقلها للمرور بتاعك قبل ما يعدي علي شهادة برأة الزمه شهر يعني تشتريها وتاني يوم تكون بتنقل في المرور ليكون عليها مخالفة مترحلة تلاقي نفسك شايلها وربنا يوفقك

واي استفسار تاني انا تحت امرك

رد: إلى خبراء شراء السيارات
 

شكرا ليك يا صديقى على المعلومات الجميه والنصيحه الحلوه
انا ناوى اخد بيها بس انا هاخد معايا ميكانيكى مش سمكرى وانشاء الله ناوى اشترى 128
ياريت تقلى رأيك وشكرا