هوندا سيفك ام فليشيا وش اوكتافيا
 

السلام عليكم وكل عام وانتم بخير
انا عاوز اجيب عربية محترمة وناشفة وتستحمل فملقتش غير الفلشيا وش اوكتافيا وهوندا سيفك اتوماتك موديل (88/91)
محتار بنهم انا عاوز حاجة متتعبنيش في قطع غيارها وصيانتها اهم حاجة تكون منتشرة ومعمرة لاني مقبل علي جواز ومش عاوز حاجة اصرف عليها
وفي ناس بتنصحني بكيا برايد سيدان اتوماتك بس انا مش عارف الاتوماتك اخباره ايه معاها وخاصتا انها كوري ومديل قديم
انا اخري 35000 مش عاوز ازود جنيه مع العلم اني ميال للاتوماتك جدا لاني ساكن في فيصل والشوارع واقفة علي طول
واسف علي الاطالة بس لو سمحتم محدش يبخل عليا بيمعلومة

رد: هوندا سيفك ام فليشيا وش اوكتافيا
 

شوف حضرتك انا كان عندى فيليشيا عربية ممتازة وصيانتها قليلة جدا لو حالة العربية كويسة طبعا وناشفة وعملية هى بس عيبها الشنطة صغيرة شوية عشان هى هاتشباك وكدة بس غير كدة عربية سعر اعادة البيع ممتازة وتجيب سعرها فى اى وقت تحب تبيعها وكمان موديل يعنى احسن متجيب عربية قديمة اوى زى السيفيك وكمان قطع غيارها نار انت عارف اليابانى

رد: هوندا سيفك ام فليشيا وش اوكتافيا
 

الف شكر علي رد حضرتك السريع
طاب كان ايه اخبار الفليشيا معاك في السخونة والتكيف بتعها كان ايه اخباره
وايه رايك في كيا برايد موديل حديث برضه واتوماتك
معلش بتقل عليك

رد: هوندا سيفك ام فليشيا وش اوكتافيا
 

لا مفهاش اى مشكلة فى السخونة وبصراحة بتاعتى مكانش فيها تكييف بس متقلقش عربية ممتازة بس شيك عليها كويس قبل متاخدها ويفضل تحطها إلى الكمبيوتر عشان تعرف كفائة الموتور

رد: هوندا سيفك ام فليشيا وش اوكتافيا
 

بصراحة الكيا مقدرش اديك رآى فيها عشان مجربتهاش بس ممكن تدخل على قسم الكيا وتسأل اى حد مجربها ويديك رأيه فيها