مصر موتورز مجتمع السيارات - سؤال بخصوص نقل ملكية

مرور السلام
يبقى تسمحولى اتكلم
خبرة بقى فية لمدة كبيرة من ايام العربيات الاجرة

اولا حضرتك ما وضحتش العربية فيها رخصة ولا تصريح لانها هاتفرق انا عارف ان حضرتك كتبت رخصة بس مهو التصريح شكل الرخصة او ممكن تكون فاتت عليك
هانفترض ان فيها رخصة سارية
هاتروح للشهر العقارى اللى حضرتك تابع لية
هاتعمل عقد بيع مسجل وكنت اتمنى تقول العربية موديل سنة كام وكام سلندر عشان اقدر اقولك الفلوس كام
تانى حاجة عاوزين شهادة مخالفات
هنا بقى نقطة مفصلية
لان نيابة المرور فى السلام اجارك الله زحمة جدا جدا جدا ومع انهم فصلوا سكانى الاميرية وعين شمس عن مرور السلام الا انة لسة زحمة
الحل الامثل انك تدخل على النت " نيابة المرور " على اللنك التالى
http://www.egypt.gov.eg/Services/NTP.../PayFines.aspx
وتكتب رقم العربية وتشوف عليها مخالفات اية
وتعمل طلب سداد على نفس الموقع
هايطلب منك الرقم القومى لصاحب العربية اللى اسمة موجود فى الرخصة والرقم القومى دة هاتلاقية فى التوكيل اللى مع حضرتك
مدة تسليم شهادة براءة الزمة اسبوع وصالحة لمة 15 يوم
ومصاريف بريد 25 جنية + قيمة الغرامات ان وجد وان لم يوجد هاتدفع 10 جنية
يبقى اجمالى 35 جنية + التبس بتاع البريد
كدة بقى معانا عقد بيع مسجل + شهادة مخالفات
هاتروح المرور اللى حضرتك تبعة (يفضل بدرى )
تشترى نموذج فحص وتجديد
ومعاك طفاية صالحة معداش عليها 3 سنوات
هاتجيب عامل الفحص يرفع بصمة شاسية وموتور
وتخلى مهندس الفحص يكتبلك خطاب مطابقة بصمة (بيكون على ضهر اورنيك الفحص)
هاتختم ورقة شهادة الطفاية
تدفع التامين الاجبارى على حسب 1 سنة او 3 سنوات
لو فى وقت تاخد عربيتك وتروح مرور السلام
تدخل على شباك مطابقة البصمة هايطلع الملف بتعها ويطابقلك البصمة وتختمها من الظابط
وتروح شباك اسمة الاستعلام الامنى دة فى نيابة المرور فى ضهر المرور لكن هاتوصلة من الداخل
هيكتبلك ان العربية غير مبلغ بسرقتها
تانى يوم تروح المرور بتاعك ومعاك
شهادة المخالفات
عقد البيع المسجل
اورنيك الفحص اللى على ضهرة مطابقة البصمة + الاستعلام الامنى
طبعا رخصة العربية
بطاقة حضرتك
وصور بقى من كل مستند من اللى معاك
هاتقف على شباك التجديد
هايكتبلك ورقة طويلة عريضة فيها الضريبة على حسب 1 سنة او 3 سنوات
بمجرد ما تدفع الضريبة انت كدة خلصت
فاضل بس تتعامل مع شباك النيابة هناك تسلملهم اللوحات القديمة وتستلم لوحات جديدة وتستلم رخصة العربية