استخراج رخصة مصرية بالرخصة الكويتيه
 

صباح الفل على أحلى منتدى دخلته
يا جماعه انا عندي استفسار ياريت حد يفيدني فيه
أنا معاي رخصة كويتيه
وطبعا اختبارات الرخصة الكويتيه اصعب بمليون مره من الاختبار بتاع القمع اللي عندنا في مصر
المهم انا نازل مصر قريب كنت عايز اسال هل ممكن أطلع رخصة مصرية بالرخصة الكويتية اللي معاي ولا لازم اعمل الموضوع من أوله ياعني اختبارات والقصه دي.
شكراً

رد: استخراج رخصة مصرية بالرخصة الكويتيه
 

ينفع تستبدل الرخصة الكويتية بالمصرية بس محافظات محافظات بمعنى انه فوجه بحرى عادى لانى من اسكندرية بدللتها وانا واقف فنص ساعة بس انت تجهز كشف نظر وباطنة وفصيلة دم من اى مستشفة وتصور الرخصة الكويتية وطبيعى عدد 6 صور شخصية وصورة بطاقة الرقم القومى وتشترى ملف من المرور تحط فيه كله وتجهزكل الحاجة دى قبل ماتروح وانت واقف حيبدلوهالك من غير اختبار ولا اى حاجة غير المصاريف فحدود 50 جنية والكلام ده من 2004وتكون رخصة خاصة مش مهنية بس عندى جواز خالتى فاسيوط حاول يعمل الموضوع دة مانفعش وغيرنا محل اقامته لاسكندرية وفى صاحبى من المنصورة عاملوها بسهولة والله واعلم

رد: استخراج رخصة مصرية بالرخصة الكويتيه
 

شكرا جداً ياباشا ربنا يخليك طمتني
على العموم انا من المنصورة و انشاء الله كده تمام بس كنت عايز أسأل هما هايخدو الرخصة الكويتية خالص ياعني اعمل بدل فاقد من الكويت الاول ولا هايخدو صورة بس
والف شكر على ردك

رد: استخراج رخصة مصرية بالرخصة الكويتيه
 

العفو هم حياخدوا صورتها بس وحتكتب الموظفة فالورق صورة طبق الاصل ورخصتك الكويتية حتفضل فجيبك عمرهم ما ياخدوا الاصل

رد: استخراج رخصة مصرية بالرخصة الكويتيه
 

انا حاولت اعمل الحركة دي في شهر 6 سنة 2009 من مرور مدينة نصر في القاهرة و معترفوش بيها، بس الحمدلله عملت كل الإجراءات (ما عدا الإمتحان النظري....ومعرفش ليه) وطلعتها في نفس اليوم من غير لا واسايط ولا رشاوى.
تقريبا امي كانت داعياليGIFT4U