|
انا محتاجه مساعدتكم بجد
انا بفكر اجيب M11 بس بصراحه خايفه مووووووووووت من الصيني ومش عارف اعمل ايه ياريت يا جماعه حد يفهمني ايه عيوبها بالظبط بس بالتفصيل لو سمحتوا عشان انا جديده في موضوع العربيات ده وياتري قطع غيرها موجوده ولا ممكن العربيه تتركن علي حاجه هايفه زي فرامل او حاجه كده؟
|
رد: انا محتاجه مساعدتكم بجد
و الله عشان تبقي انت عرفه برضوا سياسة السيارات الصيني و توكيلاتها في مصر انهم بينزلوا عربيات رخيصه و يغلوا قطع الغيار و بالفعل فيه حاجات ما بتبقاش موجوده فالتوكيل و لا بره و ممكن تطلوبيها مالتوكيل و توقفي عليها العربيه شهر و لا حاجه علي ماتيجي . بس الحاجات دي بتبقي حظوظ و فعلا ً العربيات الصيني دي بالحظوظ يعني لو حظك حلو هتقعي فعربيه حلو و لو لا قدر الله بيكون حظك انك جبتي عربيه مليانه عيوب و ساعتها تزهقي من كل العربيات و انا بنصحك تبعدي عن ال m11 دي و قدامك عربيات كتير في فئتها و بسعرها برضوا . يعني مثلاً انا برشحلك الهيونداي اكسنت (الشكل العادي) و فيه منها اتوماتيك برضوا لو انتي بتحبي الاتوماتيك بس هتزودي علي فلوسك حاجه 5000 و لا حاجه تقريبا ً و شكرا ً عالموضوع و متابع معاكي الموضوع لو فيه استفسار |
رد: انا محتاجه مساعدتكم بجد
انا اعرف اتنين حبايبي كل واحد فيهم شاري العربية ديه واحد بيشكر فيها من هنا لبكره والتاني بيلعن اليوم اللي اشتري فيه العربية
الصيني عامل زي البطيخه يا تطلع حمرا وتريحك ويا تطلع قرعه وتخليكي تندمي علي اليوم اللي اشتريتي فيه العربية نصيحة خليكي في المضمون احسن وزي ما قال الاستاذ ناصر الصيني بيرخصوه لكن قطع غياره بيغلوها ده اذا لقتيها اساسا |
رد: انا محتاجه مساعدتكم بجد
ما دام حضرتك جديدة فى العربيات يبقى أصلاً متشتريش جديد لأنك كدا مش واخدة على القيادة فى الشارع و العربية هتتخبط منك غصب عنك ، هاتى حاجة مستعمل فى الأول أفضل على ما تعرفى الدنيا
|
رد: انا محتاجه مساعدتكم بجد
لو الاستخدام خفيف يبقا اشترى ولو تقيل يبقا فى افضل ؟
|
| الساعة الآن 12:07 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017