|
زراير في التيريوس عاوز أعرف بتعمل إيه؟
اشتريت عربية تيريوس 2008 أوتوماتيك الحمد لله امبارح وصاحبها قاللي إنها دفع ثنائي (مش رباعي) بس أنا شفت فيها زرار حسيت إنه بيبدل من دفع ثنائي لدفع رباعي.. صورته زي دي كده .. حد يعرف الزرار ده بتاع إيه؟ وإيه الوضع الأمثل له؟ (ياريت لو فيه مرجع أو لينك ممكن يشرح لي أكتر عنه بالعربي أو الإنجليزي - والإنجليزي أفضل) http://www.mekshat.com/pix/upload01/...245lnm7zg2.jpg الزرار التاني في جنب الفتيس الأوتوماتيك مكتوب عليه O/D مش عارف برضه بيعمل إيه واستخدامه الأمثل إيه؟ هل ليه علاقة بالقيادة في وسط المدينة أو في الطرق السريعة؟ وهل بيأثر على استهلاك الوقود؟ وشكراً مقدماً على مساعدتكم - أحمد |
رد: زراير في التيريوس عاوز أعرف بتعمل إيه؟
لو مش عارف السيارة بها دفع رباعي او لا
قم برفع السيارة فانكان هناك كرونه عند العجل الامامي اذا السياره دفع رباعي وان لا يوجد فهي دفع ثنائى وبنسبه لهذا المفتاح قد يكون له علاقه بنظام التعليق |
رد: زراير في التيريوس عاوز أعرف بتعمل إيه؟
الزرار التانتى 0/d ده بيخلى العربيه سرعتها متذيدش عن 120 او 100 بس يعنى من عوامل الامان لو فكيته العربيه هتسحب معاك لحد ما تجيب اخرها
|
رد: زراير في التيريوس عاوز أعرف بتعمل إيه؟
الزرار الاول ...... عند الضغط عليه
تظهر نفس الصوره اللى على الزرار ..... فى تابلوه السياره ...... ووقتها يشتغل نظام الدفع الرباعى ...... الزرار التانى ......... عند الضغط عليه وانت على سرعه عاليه ........ تحس ان السياره ..... سرعتها نزلت شويه ..... كأنك فى السياره المانيوال ..... نزلت الغيار درجه |
رد: زراير في التيريوس عاوز أعرف بتعمل إيه؟
فعلا الاولاني بتاع ال 4X4
التاني بتاع فصل الاوفر درايف لو دست عليه لمبة الاوفر درايف أوف حتنور في التابلوه و الاوفر درايف معناه ترس صغير زي الخامس في المانيوال و يمكن اصغر لدرجة ان عدد لفات الماتور بتبقي اقل من عدد لفات العجل و من هنا جت التسمية ان انت بتدرايف حاجة بحاجة ابطيء و فايدة الاوفر درايف ان العربية لما تثبت علي سرعة عالية فوق ال 65 مثلا الكنترول بينقل علي الترس ده يقوم ال RPM يوطي و العزم يقل بس استهلاك بنزين اقل و عمر اطول للفتيس و الماتور اما فصله عن طريق دوس الزرار و اللمبة الصفراء اوفر درايف اوف تنور في التابلوه كده الكنترول مش حينقل علي الترس ده و العزم حيفضل عالي و فايدة فصله لو قاطر حاجة او ماشي علي طريق سريع كله مطالع كتير غلط تفصله كتير حفاظا علي الفتيس |
| الساعة الآن 06:20 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017