مصر موتورز مجتمع السيارات - ألباور كوماندر ( power commander)

مصر موتورز مجتمع السيارات (https://www.masrmotors.com/vb/index.php)

- مصر بايكرز (https://www.masrmotors.com/vb/forumdisplay.php?f=146)

- - ألباور كوماندر ( power commander) (https://www.masrmotors.com/vb/showthread.php?t=38129)

ألباور كوماندر ( power commander)

وصلتني رساله علي الخاص من عضو فاضل كان بيسال عن الباور كوماندر power commander فاانبسطت جدا ان في حد سال علي حاجه مهمه جدا زي دي وكتير جدا من الناس ميسمعوش عنها فا حبيت اعملها في موضوع خاص عشان الكل يستفاد باذن الله

اولا : تعريف الباور كوماندر
ده جهاز في حجم كف اليد مزود بوصله USB لتوصيله بالكمبيوتر ووظيفته هي انه بيتحكم في استهلاك كميه الوقود اللي بيسحبها الموتور اثناء دوره التشغيل والسحب .
يتم تركيب جهاز الباور كوماندر في البايك في مكان امن ودائما بيتركب تحت الكرسي الخلفي
يتم تهيئه الجهاز عن طريق وصله الUSB وتوصيله بالكمبيوتر وبدء تحميل البرنامج الخاص بالجهاز وده بنبدا نظبط منه الخرائط الخاصه بالجهاز للوصول الي اعلي كفاءه مطلوبه
الجهاز ده بيعلي من قوه الهورس باور للبايك بنسبه تبدا من 4 حصان وتصل الي 5.5 حصان في حاله تركيبه بصوره صحيحه وضبط الخرائط الخاصه بالجهاز .وبنبدا نركبه ونوصله بالكمبيوتر ونشغل البايك .

ده فيديو صغير فيه صوره الجهاز ووصلاته

http://www.youtube.com/watch?v=oVDZaAZ5Yo8

ده فيديو اخر بيوضح مكان تركيبه

http://www.youtube.com/watch?v=LowaDqMAOF4

ده فيديو بيوضح كيفيه ضبط الجهاز من علي الكمبيوتر
http://www.youtube.com/watch?v=ADanb8mUAcw
http://www.youtube.com/watch?v=hfF6qdCOJhY

طبعا الجهاز ده ياجماعه مهم جدا يمكن في ناس مش هتهتم اوي بوظايفه لكن ده ليه اهميه كبيره لانه بيرفع من القوه الحصانيه للبايك وكمان بيظبط استهلاك البنزين وبيظبط ضربات الهواء مع البنزين

ملحوظه رقم 1 في غايه الاهميه------ في ناس هتسال هو ينفع نركبه في 250 و 400 هقولهم صعب لاسباب اهمها ان الجهاز ده مش هيفيدك بحاجه لانه ضعيف مع الكربراتير لكن سلس جدا مع الانجكشن ولكن متجيش تركبه مثلا في بايك زي CBR 1000 rr لسه خارجه من المصنع طبيعي انتا مش محتاج ال 5 حصان دول في حاجه .
لكن امتي يتركب هقول لسيادتك
لما تيجي تركب لبايك مثلا 954 تركبلها فلتر هواء K&N وتعمل سيستم كامل للاجسوست هنا سحب البنزين بيبقي عالي عشان منظومه الشكمان الجديده والفلتر الرياضي فابنضطر نركب الجهاز ده عشان يقدر يتحكملنا في استهلاك البنزين ويعلي من كفائه التعديلات اللي موجوده في البايك .

ملحوظه رقم 2 مهمه برضه : القوه الحصانيه للبايك بتتقاس بجهاز اسمه الداينو جيت DYNO JET وده عباره عن جهاز كمبيوتر بيتوصل ب rpm في البايك عشان يقيس عدد اللفات علي الدقايق والقوه الحصانيه طبعا الجهاز ده يكاد يكون معدوم في مصر لكن موجود .
الجهاز ده تمنه متراوح ما بين 1500 جنيه و 1800 جنيه حاليا ده اخر سعر اشتري بيه واحد زميلي من شهر تقريبا.

رد: ألباور كوماندر ( power commander)

اقتباس:

المشاركة الأصلية كتبت بواسطة Jack Box (المشاركة 271476)

وصلتني رساله علي الخاص من عضو فاضل كان بيسال عن الباور كوماندر power commander فاانبسطت جدا ان في حد سال علي حاجه مهمه جدا زي دي وكتير جدا من الناس ميسمعوش عنها فا حبيت اعملها في موضوع خاص عشان الكل يستفاد باذن الله

القوه الحصانيه للبايك بتتقاس بجهاز اسمه الداينو جيت DYNO JET وده عباره عن جهاز كمبيوتر بيتوصل ب rpm في البايك عشان يقيس عدد اللفات علي الدقايق والقوه الحصانيه طبعا الجهاز ده يكاد يكون معدوم في مصر لكن موجود .
الجهاز ده تمنه متراوح ما بين 1500 جنيه و 1800 جنيه حاليا ده اخر سعر اشتري بيه واحد زميلي من شهر تقريبا.

موضوع ممتاز، خاصة الجزء الخاص بجهاز الـ Dyno Jet بس الموتوسيكل بييجي من المصنع معروفة الـ horse power بتاعته يبقى ليه معمول ليه جهاز مخصوص؟ ولا إيه؟

وشكرًا للموضوع القيّم :)

رد: ألباور كوماندر ( power commander)

الله عليك يا كبير, أنا سمعت عن الجهاز ده بس معرفش عنه كتير, أعرف أنه مثلا زى ال E-MANAGE وال PIGGYBACKS اللى بتتركب للعربيات علشان تخليك تتحكم فى توقيت الشرارة وفتح الصمامات وكده.

بس أنت شرحت شرح مبسط ومفهوم, والفيديوز ساعدت جامد, ألف شكر ياباشاROSE4U.

و SMOOTHRIDER لما يبقى عندك بايك بيطلع مثلا 70 حصان, وتروح تشترى فلتر رياضى وتغير مواسير الشكمان أو تعدل فى أداء البايك عامة, بتحتاج تعرف أيه المستجد, التعديلات زودت هورس باور ولا أنت موهوم, فبتركب البايك (أو العربية) على لاب توب مجهز أو بجهاز مخصوص زى الداينو جيت علشان تقيس الفرق اللى التعديل عمله, أو حتى علشان تعرف البايك بيطلع قوته اللى على الورق (النظرية يعنى)ولا لأ, وغالبا بيبقى لأ لعوامل يصعب ذكرها دلوقتى.

رد: ألباور كوماندر ( power commander)

اقتباس:

المشاركة الأصلية كتبت بواسطة Injection (المشاركة 271895)

SMOOTHRIDER لما يبقى عندك بايك بيطلع مثلا 70 حصان, وتروح تشترى فلتر رياضى وتغير مواسير الشكمان أو تعدل فى أداء البايك عامة, بتحتاج تعرف أيه المستجد, التعديلات زودت هورس باور ولا أنت موهوم, فبتركب البايك (أو العربية) على لاب توب مجهز أو بجهاز مخصوص زى الداينو جيت علشان تقيس الفرق اللى التعديل عمله, أو حتى علشان تعرف البايك بيطلع قوته اللى على الورق (النظرية يعنى)ولا لأ, وغالبا بيبقى لأ لعوامل يصعب ذكرها دلوقتى.

تمام كدة
أفدتني أفادك الله :cool:

رد: ألباور كوماندر ( power commander)

اقتباس:

المشاركة الأصلية كتبت بواسطة Jack Box (المشاركة 271476)

ماشاء الله ربنا يزيدك jack box الشرح ممتاز جدا
ربنا يخليك ويعينك ويساعدك
تجيب اللى فى بالك