نقل ترخيص عربية من مرور الى مرور
 

نقل ترخيص عربية من مرور الى مرور وليس نقل ملكية
العربية باسمى فى مرور السلام

عايز انقل العربية من مرور السلام بالقاهرة(محل الاقامة القديم) الى مرور المحلة الكبرى(محل الاقامة الجديد)

العربية باسمى فى مرور السلام

رد: نقل ترخيص عربية من مرور الى مرور
 

ياريت حد يفدنى

رد: نقل ترخيص عربية من مرور الى مرور
 

هتكتب طلب مضمونه! السيد العميد مدير وحده تراخيص مرور السلام
.... تحيه طيبه وبعد ...
رجوا من سيادتكم التكرم بالموافقه على منحي شهاده بيانات عن السياره رقم/ ..... ملك السيد/...... وذلك لتقديمها الي وحده تراخيص مرور /....... حتى يتنسا لنا اتخاذ اللازم نحو اجرائات نقل القيد للسيارة . ولسيادتكم جزيل الشكر
مقدمه لسيادتكم / ..... التوقيع .....
ثانيا هتقدم الطلب مع الرخصه والمخالفات واللوحات المعدنية وتسلمهم للموظف
وهيسلمك شهادة بيانات بالسيارة وموجهة الي مرور الغربية ونموذج تسليم اللوحات 105واهم شىء يكون مكتوب في الشهاده غير مطالب بالمخالفات واللوحات المعدنيه والرخصه ويطالب بنموذج 105 الي هيكون فى ايدك مع البيانات وبعد كده تروح مرورك وعند وحده الفحص الفنى ترفع البصمه والمهندس يكتب لك فى نفس الفحص من الخلف خطاب موجه الي مرور السلام عشان تطابق البصمه واوعى تنسى تاخد خطاب استعلام امنى بان السيارة كانت فى السلام غير مبلغ بسرقتها وبعد ما ترد على مطابقه البصمه والاستعلام الامنى من السلام ترجع مرورك وتسلم الفحص للمهندس والبيانات ونموذج 105 فى ايدك اوعي يضيعوا وبعد استكمال اجرائات الفحص فى مرورك سلم الفحص والبيانات ونموذج 105 للشباك عندك ومبروك عليك استلام رخصتك بس ياريت تحفظ كلامي بالنص او اكتبه وامشى خطوة خطوة لو نسيت حاجه اتصل عليا وان شاء الله هفيدك 01064867673 محاسب قانونى احمد

رد: نقل ترخيص عربية من مرور الى مرور
 

شكر للرد
بس هو انا فى بعد ارفع البصمة هنا هرجه تانى مرور السلام لرفع البصمة مرة اخرى

رد: نقل ترخيص عربية من مرور الى مرور
 

اه لما بترفع البصمه فى المرور الجديد على ظهراورنيك الفحص بيكتبلك عليه انو محتاج انك تطابق بصمه و بتاخد الاورنيك و بترجع مرور السلام تطابق بصمه من هناك و بعد الطابقه بترجع و تكمل اجرائاتك فى المرور الجديد عادى
مع العلم مطابقه البصمه فى مرور السلام مش لازم يكون معاك العربيه يعنى لو عاوز تروح من غيرها عادى