|
عايزين دستور جديد - موضوع الساعة
انا عاوز دستور جديد
كلنا عاوزيين دستور جديد انا مش موافق علي التعديلات - عايزيين دستور جديد انا موافق علي التعديلات - علشان بتلزم بعمل دستور جديد الفريقان عايزين دستور جديد اللي مواقف واللي مش موافق حلو قوي يعني كلنا عايزيين دستور جديد طيب ازاي نعمل دستور جديد لازم نقول لأ للتعديلات احنا عايزيين دستور جديد يقوم المجلس العسكري عامل دستور جديد طيب ازاي المجلس يعمل لجنة تأسيسية لوضع دستور جديد طيب ما هو مرديش وعمل لجنة للتعديل بس ايه اللي هيضمنك لأ المجلس هيضطر بعد رفض الاستفتاء طيب ماشي يا سيدي هيضطر يعمل لجنة تأسيسية طيب اللجنة معينة ولا منتخبة معينة واحنا موافقين انتوا مين احنا مش موافقين ده فيها س وص وع ودول ولاد لذينه طيب منتخبة مين اللي هينتخبها وازاي وعلي اي اساس هنشوف كل ده مفيش مشكلة طيب ماهي منتخبة بالتعديلات بالدرجة التانية يعني انتخب مجلس شعب وهو هينتخب اللجنة بما فيها من كفاءات قانونية وسياسية وغيره لأ لازم احنا ننتخبها بشكل مباشر طيب في مشكلة كبيرة البلد مش مستقرة وهيطلع اللي يقول المادة التانية والتالتة والهجص ده دلوقتي طيب ما يقول ما هو هيقول بعد كده ايوة بس البلد علي صفيح ساخن ومش مستحملة بس دي مش المشكلة اللي تخلينا نوافق بردوا طيب ما هو في مشكلة تانية لأ استني هو الرفض بس كله مشاكل طيب ما هو الموافقة بردوا كلها مشاكل التعديلات بتلزم بعمل دستور جديد عن طريق مجلس شعب منتخب بديموقراطية وحرية عن طريق الزامه بانتخاب لجنة تأسيسية ايوة بس ما هو مين اللي هينجح في الانتخابات يا اخوان يا حزب وطني وهما اللي هيحددوا شكل الدستور طيب الحزب الوطني دلوقتي الناس كرهاه قوي وطول عمرها كرهاه والاخوان قالوا نعمل قايمة وطنية علي مستوي الجمهورية وهما مش هيتنافسوا علي اكتر من 40 % بس ومش هيرشحوا رئيس ولا غيره مين اللي يضمنلي كده وبعدين لامؤاخذة هوا انا هاخذ ضمناتي من الاخوان طيب وايه الحل ما هو الحل الائتلاف مش الاختلاف والتخوين وبعدين ده الدستور في صلاحيات فرعونية للرئيس ما هو الدستور هيتغير وهيطيح بالصلاحيات دي والشعب لسه في عنفوان الثورة ويقدر يهد اي فرعون جديد طيب .......... بص ........... اخيرا دستور 1923 كان نتاج ثورة 1919 يعني بعد 4 سنوات مليش دعوة بثورة 19 انا في ثورة 25 يناير اخذ ورد في نطاق احترام وجهات النظر وبلا تخوين ولا تسفيه اخيرا عايزيين نعبر عن رأينا يوم 19 مارس موافق او غير موافق وان شاء الله خير ده حوار مش افتراضي ده حوار الساعة يارب يكون الموضوع ده في خير لبلدنا |
رد: عايزين دستور جديد - موضوع الساعة
موضوع ايه بالضبط
هههههه ماليش دعوه قول انت الاول |
رد: عايزين دستور جديد - موضوع الساعة
انا هصوت بنعم باذن الله
|
رد: عايزين دستور جديد - موضوع الساعة
اقتباس:
فهناك فرق فعلا بين الناس بتوع سنة 1919 والناس بتوع 2011 ______________ زمااااااااان كانت الناس طيبه ونواياها شفافه وحاليا ........مشكوك فى نواياها وواقعنا يشهد بهذا فى كل المجالات ________________ وبالطبع ده طبيعى لقوله (ص) خير القرون قرنى ثم اللذين يلونهم ...ثم اللذين يلونهم ...إلخ صدق رسول الله (ص) |
رد: عايزين دستور جديد - موضوع الساعة
اقتباس:
استاذى ابو سهيله ... جميل طبعا اننا نعمل دستور جديد خالص يواكب محتويات العصر اللى احنا عايشينه بس طبعا اكيد حضرتك عارف اننا علشان نعمل دستور جديد لازم يتم مناقشته فى مجلس الشعب وبعد كده يتصدق عليه من المحكمه الدستوريه العليا طيب هو فين مجلس الشعب ؟؟؟ لسه مافيش مجلس شعب ... طيب يبقى احنا محتاجين مجلس الشعب للنقاش والتصويت طيب على اى اساس هننتخب اعضاء مجلس الشعب ؟؟ على الدستور القديم اللى احنا مش عايزينه ولا نستنى الدستور الجديد اللى قعد 4 سنوات يتعمل فيه زى ما حصل بعد ثوره 19 ؟؟ هتقولى لا يا عم احنا عايزين المجلس العسكرى ... هقولك انى اعتقد اننا كده هنفضل نلف حوالين نفسنا لان كل شويه المجلس ينعقد يطلع تشريعات وبعد كده الشعب يرفضها والمجلس ينعقد تانى لعمل تشريعات تانيه ... وهكذا طيب هتقولى احنا مش محتاجين 4 سنين للدستور الجديد ... احنا عايزين دستور يمشى امور البلاد فى المرحله الانتقاليه لوضع اسس انتخاب مجلس الشعب ورئيس الجمهوريه ... هقولك يا سيدى الدستور عندما يم وضعه لازم يناقش احوال مصر لفتره سابقه ولكن مش بصوره بعيده وكمان احوال مصر الحاليه والمستقبليه ولاما بقى كل 10 او 20 سنه هنحتاج تغيير الدستور بص يا ابو سهيله ... طبعا كلامى دا مش مهاجمه لرأى حضرتك ولا حاجه لان راى حضرتك محترم ويجب وضعه فى الاعتبار ... ولكن .. انا رأى الشخصى اننا نصوت على التعديلات الدستوريه لتسيير البلاد خلال المرحله دى وعمل انتخابات مجلس الشعب والرئاسة وبعد كده لما يتم انتخاب الاتنين هما اللى هيعملولنا كل مطالبنا بتاعة الثوره خد بالك ان الرئيس ومجلس الشعب القادمين بالذات هيكون عليهم عبءكبير فى تحسين اوضاع البلد اللى دمرها نظام دام 30 سنه بكل اياديه المخربه وهو اللى هينفذ مطالبنا اللى بجد .. لان فى راىى برضه ان اللى بيعملة الجيش ما هو الا مسكن للبلد والشعب وعلشان ماتفهمش كلامى غلط ان المسكن دا مش بطريقه خبيثه وانما بطريقه ترضى الشعب وفى صالح البلد ولكن بشكل مؤقت تقبل تحياتى |
| الساعة الآن 09:01 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017