مصر موتورز مجتمع السيارات - سؤال بخصوص بيع السيارات بعمل توكيل بدلا من نقل الملكيه

مصر موتورز مجتمع السيارات (https://www.masrmotors.com/vb/index.php)

- معلومة قانونية (https://www.masrmotors.com/vb/forumdisplay.php?f=238)

سؤال بخصوص بيع السيارات بعمل توكيل بدلا من نقل الملكيه

من الشائع في مصر بيع السيارات بالتوكيل بدلا من نقل الملكيه في الشهر العقارى لتفادى دفع الرسوم و الترخيص
و يتم ذلك بعمل توكيل خاص بالبيع للنفس و للغير و التعامل مع المرور دون حق التجديد او الترخيص
و السؤال عن الوضع القانونى للمالك الاصلى اذا حدثت اي مخالفه او جريمه كانت السياره مستخدمه فيها و هل في مخاطر من البيع بالطريقه دى؟؟
هافترض سيناريو
مثلا بعد تسليم السيارة حدث انها صدمت شخص و هربت و الناس بلغت فصدر امر ضبط و احضار للمالك الاصلى فدخل القسم و معاه عقد البيع الابتدائى و محضر التسليم هل هيوخذ بالكلام ده و لا الشخص ده لبس قضيه و هايتعرض علي النيابه و هكذا منه
و لو مثلا العربيه عملت مخالفه من اللي تستوجب الحبس و المالك الاصلى داخل يرخص عربيه تانيه ممكن يتقبض عليه من المرور

معلش اذا كنت موسوس شويه بس مش معنى ان فيه عرف سائد الناس ماشيه وراه يبقى الواحد يمشى زيهم من غير ما يسأل

ارجو الافادة و شكرا

رد: سؤال بخصوص بيع السيارات بعمل توكيل بدلا من نقل الملكيه

سألت فى الموضوع ده ... فقيل لى ... ان معاك عقد البيع الابتدائى .. و ده بيقوا انك بعت و هو استلم العربية و مسئول عنها .. نحن فى انتظار رأى احد الخبراء
انا متابع معاك ....

رد: سؤال بخصوص بيع السيارات بعمل توكيل بدلا من نقل الملكيه

انا بعت عربيتى القديمة بعقد ابتدائى الاول وبعد كده روحت مع المشترى الشهر العقارى وعملت توكيل ببيع العربية له او للغير وتم تسجيله فى نفس الشهر العقارى يعنى متقلقش لانك لو روحت الشهر العقارى بيسجلوه ان العربية دى بتاعتك بعتها للمشترى ومفيش مسائلة قانونية عليك والله اعلم444546

رد: سؤال بخصوص بيع السيارات بعمل توكيل بدلا من نقل الملكيه

طالما حضرتك بعت السيارة بتوكيل مسجل بالشهر العقارى فخلاص انت ما فيش عليك حاجه خاصة وأن المشترى مضى إقرار فى نهاية عقد البيع بإنه استلم العربيه الساعة كذا يوم كذا وأصبح مسئولاً عنها ....ولكن
يفضل أن يتم بيع السيارة بيع نهائى عن طريق الشهر العقارى حتى يمكنك شراء سيارة أخرى بإسمك حتى لا تدفع ضريبه زياده بتفرضها إدارة المرور على الشخص الذى يمتلك أكثر من سيارة وتسمى ضريبة رفاهيه

رد: سؤال بخصوص بيع السيارات بعمل توكيل بدلا من نقل الملكيه

اقتباس:

المشاركة الأصلية كتبت بواسطة نبيل عبدالرحمن (المشاركة 984806)

كلام حضرتك مظبوط يا دكتور ... و انا موافق عليه جملة و تفصيلا ...
معلومة اضافية صغيرة ... ضريبة الرفاهية للسيارة حتى 1600 سى سى هى 60 جنيه .. اما اكثر من 2500 سى سى هى 280 جنيه فى السنة