رينو فلوانس 2016
 

بعد ما خلصت اجراءات البنك وجبت الموافقة على القرض لعربية رينو فلوانس اتوماتيك فئة اولى2015
كان اقل سعر 156 والكلام ده كان في اخر ابريل والموافقة جت في اخر مايو سالت على العربية لقيتها زادت 5 الاف سالت في الوكيل قالولي زادت الفين بس رجعت للمعرض قالولي حضرتك احنا عندنا العربية انما الوكيل هتقعد معاه من 90- 60 يوم انتظار ولما رجعت للوكيل قالي فعلا العربية فيها واتينج ليست 60 يوم المهم اتكلت على الله ورحت البنك مضيت الورق وطلعت على المعرض مالقيتس العربية وقالولي هتستنى يومين كمان

انا بقى دمي محروق وخايف ارجع للبنك اوقف كل حاجة يقولولي لازم نعيد الاجراءات

بالمناسبة العربية اللي المفروض استلمها موديل 2016 تفتكروا اعمل ايه

رد: رينو فلوانس 2016
 

ايه ده
يعني نفس اللعبه الوكيل ارخص ويقولك انتظار ويديها للمعارض والمعارض تغلي براحتها
نفس اللعبه في سيات توليدو بصيت عليها لقيتها 140 عند الوكيل وقابلني لو سلمك العربيه في 4 شهور . تروح المعارض تلاقيها اسعار مختلفه لغايت 151 هههههه مع العلم العربيه موديل واحد كامله

انت ورق البنك علي المعرض ولا مفتوح؟
اسأل ودور وانا هدور كمان بس انا هعملها وديعه . واللي يوصل لحد عنده تسليم يبعت