مصر موتورز مجتمع السيارات - مشكلة جامدة في الماكينة ... ارجو الدخول

السلام عليكم و رحمة الله و بركاته

عندي كيا كلاروس موديل 99 اشتريتها مستعملة
السيارة كان فيها دخنة بيضاء خفيفة عند التدوير الصبح فقط و سألت ميكانيكي قاللي تغيير جلد البلوف
المهم ماكنش معايا فلوس و الميكانيكي قاللي حط زيت كويس و امشي عادي
من اسبوع كده غيرت زيت ، لقيت ان العربية نسبة الدخان فيها زاد كتيير بس برده بيروح بعد ما اتحرك بالسيارة
واحد نصحني احط علبة زيت ستوب علشان الدخنة ديه ، المهم رحت و حطيت الستوب ده و عيني ما شافتش نوور ، العربية بقت بتدخن جامد جدااااا شبه العربيات اللي بترش مبيد الناموس و الدخان كثيف جدا و مش بيبطل لما اتحرك الا بعد يمكن نص ساعة لما العربية تسخن كتيير
المهم رحت لميكانيكي بيفهم و قالي لازم نفك راس الماكينة و ممكن هنلاقي حالات
1- تغيير بلوف فقط
2- تغيير بلوف و شنبر
3- تحتاج عمرة كاملة

الميكانيكي قاللي مش هانقدر نحدد المشكلة وصلت لفين الا لما احل الماكينة
المشكلة اني عايز اصلحها و خايف تحتاج عمرة كاملة لأني ماعيش فلوس تكفيها و خايف الميكانيكي يشتغل و تطلع محتاجة عمرة كاملة

لو سمحتم محتاج حد يفيدني بأي رأي او معلومة أو أي حاجة مفيدة ...