عربية 127 فيورا "لمبة الزيت"
 

السلام عليكم ورحمة الله وبركاتة
أنا أشتريت عربية 127 فيور من شهر والحمد لله وغيرت زيت 3000 ك هيليكس
وفلتر ولكن وانا ماشي لمبة الزيت بتبربش في السلانسية وساعات بتنور دائم وانا ماشي وفي نفس الوقت بتطفي وقلقان ومش عارف اعمل اية الموضوع حصل معايا
إمبارح وجيت بيها من دار السلام الى مدينة نصر "مقر عملي" ومن مدينة نصر الى دار السلام.
افيدوني أفادكم الله

رد: عربية 127 فيورا "لمبة الزيت"
 

لازم ميكانيكي يكشف عليها ومتشيش بيها الا اما تعرف السبب
عشان ممكن يكون سبب تافه ساعة زيت ولا حاجه بتهيس او السلكه مش راكبه فيه كويس
او ممكن ترس اسبراتير عايز يتغير والزيت مبيوصلش
متستهونش بالموضوع
لاني استهونت بيها مره في شاهين وجابت عمرة موتور كامله

وان شاء الله حتبقي حاجه بسيطه

رد: عربية 127 فيورا "لمبة الزيت"
 

:THUMBS~220::THUMBS~220:: THUMBS~220:

رد: عربية 127 فيورا "لمبة الزيت"
 

شكراً على سرعة أستجابتك
1- طيب لو فية مشكلة في الزيت فعلاً مع أن ليسة مغيرة العربية تمشي 40 ك .
2- تكلفة ساعة الزيت كام
3-تكلفة سلك البنزين كام
4- هل ينفع امشي بيها دلوقتي ولا لأ

رد: عربية 127 فيورا "لمبة الزيت"
 

لو في مشكله في ترس الاسبراتير حتمشي معاك عادي بس حتلاقيها بتسخن ولقدر الله ممكن الموتور يقفش وحتلاقي دخنه مع كتر المشي
ساعة الزيت رخيصه بس مش فاكر بكام والله ممكن 30 ولا حاجه
والسلك مش بيتجاب السلك حتلاقيه موجود ولو هو المشكله حتلاقي الكليبس مش راكب حلو

خش علي اي ميكانيكي مش حتاخد 5 دقايق

او لو تقدر تبص عالموتور حتلاقي من ناحية فرن الجاكمان كده بص فوقيه حتلاقي ساعة الزيت بالشكل ده
http://www.dweltd.com/photos/INT.50990.jpg

والحديده اللي في اليمين دي راكب فيها كلبس كهربا حاول تاكد عليه كويس
بس خلي بالك ايدك تتلسع من فرن الشاكمان