|
استفسار بخصوص السوزوكى الفان
السلام عليكم
انا كنت عايز اشترى سوزوكى فان 7 راكب بس فيه ناس قالتى انك مش هتكون مرتاح فيها علشان انا طولى 186 سم فياريت اعرف من اهل الخبرة سعرها كام دلوقتى واشهر المعارض وظروف التقسيط بتكون ازاى ؟ |
رد: استفسار بخصوص السوزوكى الفان
والله انا زيك بالضبط
ومحتاج اعرف معلومات عنها وظروف تقسيطها وكمان ظروفها اية للى جربها ، شغالة كويس ولا فيها عيوب ؟ بانتظار الافادة من الاعضاء الكرام |
رد: استفسار بخصوص السوزوكى الفان
أحبابنا الكرام ... انا ركبت الفان السوزوكي في مصر و برة مصر ... الفان الــ 7 راكب إللي في مصر لم تلقى قبولي إطلاقاً فهي خفيفة جداً و غير ثابتة ( و هي فاضية ) عند سرعة 60 ك ، ده غير إنها غير مريحة بالمرة لا للسائق و لا للراكب و العزل فيها لا يساوي شيئ عكس إللي ركبتها برة تماماً ، انا جربت في مصر برضه الشيفرولية الصيني ... في رأي أحسن من السوزوكي بمراحل ، لانها أكثر ثباتاً على الطريق و أحسن عزلاً و أوسع بكتير من الداخل و مريحة في قيادتها و في ركوبها لمن في الخلف ... و كمان بيحطوا فيها ( بعض ) الكماليات مش زي السوزوكي إللي عبارة عن أربع عجلات و صاج و كرسيين خشب !! مع العلم إن السوزوكي الفان إللي ركبتها برة غير الشكل الشائع في مصر ( مشفتهاش في مصر مرتين تلاتة على بعض ) الوكيل هنا منزلها غالية جداً جداً ، تقريباً معدية الــ 100 ألف ، بس هي أكثر احتراماً بكتيييييير من الفان العادية ، و دي صورتها : http://s.alriyadh.com/2005/10/21/img/211044.jpg و ده موضوع عنها كان عامله الأخ الفاضل ( @واحد من الناس@ ) في مصر موتورز http://masrmotors.com/vb/showthread.php?t=18395 |
رد: استفسار بخصوص السوزوكى الفان
شكرا للاخ المحترم سمارت وير
ومعلوماتك افادتنى كتير وبالفعل انا غير راضى عن الفان السوزوكى وبفكر فى الفان الشيفرولية لكن قلقان منها ومن تحملها واعتماديتها مع العلم بانى بفكر فيها كسيارة عائلية فقط وليس لاى اعمال شاقة اخرى فهل تناسبنى لذلك وهل آمنة اذا فكرت اسافر بيها من القاهرة للاسكندرية مثلا ؟ وشاكر لك حسن تعاونك |
رد: استفسار بخصوص السوزوكى الفان
اقتباس:
لا شكر بين الإخوة أيها الأخ العزيز اقتباس:
أخي الفاضل انا سافرت بهذه السيارة من القاهرة إلى مطروح و شغل أسبوعاً شاقاً و هي بكامل حمولتها - و زيادة كمان - ثم العودة إلى القاهرة مرة أخرى بدون شكوى واحدة ... و سافرت الاسبوع الذي يليه مباشرة بعربية سوزوكي الصندوق أبو كرسي خشب ( فاكره ؟ ) كرهت فيه القيادة ... خلاصة الأمر الشيفروليه سيارة من أفضل السيارات الصيني التي رأيتها لكن بشررررررط ... المحافظة عليها و عدم الاهمال في العناية بها ، و الشكل الجديد روعة ، ربنا يقدر لك الخير ... استخير ربنا في الأمر ثم استشير باقي الإخوة هنا و شوف رأيهم برضة و توكل على الله |
| الساعة الآن 07:34 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017