مصر موتورز مجتمع السيارات - وكما قال هشام الجخ...."وطن ومليان بالنطاعة"

السلام عليكم ورحمة الله وبركاتة
الظاهر يا جماعة ان مفيش فايدة النهاردة خلصت تجديد ترخيص العربية عقبال عندكم بعد مرار....المرور مرور عبود رحلة العذاب بدات امبارح الساعة 9 الصبح وانتهت النهاردة الساعة 9.40 الصبح بعد رحلة من العذاب والتنطيط بين الشبابيك والبرود من الموظفين وانقطاع الكهرباء عن مبني حكومي يقوم بتقديم خدمة للمواطنين وفي الاخر الموظفة المحترمة اللي علي الشباك بعد ما قالتلي كل سنة وانت طيب وانا عملت فيها هندي وقلتلها انا هنا من امبارح قاللتلي انا ما طلبطش منك حاجة دا انا خلصتلك الورق علشان انت زي ابني .....مش علشان المحترمة موظفه وبتادي خدمة بتاخد عليها اجر....نسية اقولكم ان كل سنة وانت طيب هناك علي الشباك ب 10 جنية....دة غير الكام واحد اللي واقفين برة المرور لركن السيارات والتسعيرة 5 جنية للركن علي اساس انة شارع اللي خلفوة مش شارع عمومي وشكرا ليكي قوي يا مصر لبهدلتك فينا في ابسط الامور