خبراء الكيا
 

اولا السلام عليكم تانيا هو rbm المعدل بتاعة كام فى المشى العادى ثانيا تضبط العفشة من مقصات وبارات وعلبة دريكسون يكلف كام

رد: خبراء الكيا
 

وعليكم السلام ورحمه الله وبركاته
موضوع الار بى ام ده نسبى : يعنى انا مثلا بفضل انقل على ار بى ام 3000 لغايه ما اوصل الرابع وانزله ل2500 او 2000 (بس ده لان معظم مشاويرى جوه البلد وطبعا مش بوصل حتى للخامس) :fun_broken:وعربيتى برايد هاتش باك 1300 سى سى فبوصل ل80 او 90ك على 2500
وبالنسبه للسؤال الثانى
التكلفه فيها شقين اولا تكلفه شراء الحاجات اللى انت عاوزها
والجزء التانى تكلفه المصناعيه
وانا انصحك تدور الاول على عفشجى محترم وتشوف ناس ثقه معاهم العربيه دى لان الفتايين كتييييييييييير قوى وروح لكذا عفشجى وشوف هايقولك ايه واللى ترتاح له اشتغل معاه
ونصحيه من اخوك العفشجى شغله مختلف تماما عن الميكانيكى لان تداخل بين الميكانيكى والعفشجى بيخلى الميكانيكى يقولك يا عم هات وانا اشتغلك فى العفشه (اتبدهلت بسبب الموضوع ده)
كلام فاضى ومضيع للوقت وخساره وكل الكلام اللى ما يتقلش:bat_467:
بالتوفيق والخلاصه ارسى على العفشجى الاول والكيا برايد سكاتره
:Wkiss5:

رد: خبراء الكيا
 

علبة الدركسيون العادية بـ 225 وممكن تلاقيها غليت حاجة بسيطة بسبب الدولار ... ودة بالنسبة للجديدة
جلب المقصات وهما 4 جلب حتجيبهم كلهم بـ 20 جنية
بالنسبة للمساعدين kyb جداد بـ 580 جنية .... هما غاليين بس حتركبهم وتريح دماغك
المصنعية بتاعت العفشجى مش حتقل عن 100 جنية لو حيظبطلك العفشة ويغير ويركب وممكن توصل لحد 150 جنية لو شغل العربية كتير ,, اما لو حيربط عفشة بس بكتيروا اووووووووووى ياخد 50 جنية وتبقى كارموا بزيادة بس دة لو تربيط عفشة بس
الله يعينك

رد: خبراء الكيا
 

ولو بتسأل عن اسكترا البرايد الباور ... خليها هاف بور احسن وريح دماغك علشان مفيش منها غير استيراد ومش موجودة كتير وسعرها حيصدمك ... كده كده دريكسيون البرايد مش تقيل زى اللادا والفيات لانوا هاف بور بس ممكن تتعب شوية فى الركنة بس ارحم من السعر اللى حتدفعوا فى الاسكترا الباور

رد: خبراء الكيا
 

البرايد اصلا مفهاش باور لكن دراكسيون ناعم