ممكن اجيب ايه في حدود 22000 بفكر في ستروين AX
السلام عليكم
بفكر اشتري عربية في حدود 22000 و كنت بفكر في الستروين AX من حيث السعر و الامكانيات حاسسها مناسبة جدا لكن ناس حذروني منها و قالولي قطع غيارها و ميكانيكتها فيها مشاكل و ناس تانية تقولي لا عادي قطع الغيار موجودة و بالنسبة للميكانيكا اعرف ميكانيكي كويس و المشكله دي مش هاتحس بيها و مش عايز اجيب 128 عشان مش عايز كل شوية افضل رايح جاي علي الميكانيكي لنفس الاعطال و مش حاسسها مريحة في سواقتها رجاء المساعدة..... |
رد: ممكن اجيب ايه في حدود 22000 بفكر في ستروين AX
لو بتفكر فى السيتروين AX
يبقى الماروتى أفضل السيتروين فرنسى و محترمه و كل حاجه بس فعلاً قطع الغيار عند ناس معينه و برضة الميكانيكا بتاعة الفرنساوى مش أى حد بيشتغل فيها, يعنى مفيش وجه مقارنه بينها و بين الـ 128 الأقرب زى مقولتلك الماروتى يابانى - موفرة - ناعمة - سحب عالى - قطع غيار رخيصة و متوفرة - ميكانيكا بسيطة و أى حد بيشتغل فيها - و أحسن حاجة إن موديل الماروتى أحدث يعنى أعطال أقل و حالة أفضل الـمبلغ المتاح ممكن يجيب حاجه موديل 2000-2002 |
رد: ممكن اجيب ايه في حدود 22000 بفكر في ستروين AX
شكرا علي ردك لكن بالنسبة للموتور السيتروين 1400 و الماروتي 900 و هل الماروتي بالنسبة للسفر و المشاوير الطويلة هتبقي كويسة؟
|
رد: ممكن اجيب ايه في حدود 22000 بفكر في ستروين AX
إدخل قسم الماروتى و شوف الناس عامله إيه بيها
الأستاذ (حبيب الناس) ربنا يباركله فى عربيته بيسافر و مركب تكييف و ناس ياما بتعمل بيها العجب متخفش منها غير فى حاجه واحده.... على الطرق السريعة و جنب النقل الثقيل متجريش بيها يعنى لو عاوز تسافر بيها أى مكان عادى جداً بس متزودش السرعة عن 100 علشان سلامتك و علشان تحافظ عليها (رغم إن السرعة القصوى ليها 120 و العداد 140 كم) |
رد: ممكن اجيب ايه في حدود 22000 بفكر في ستروين AX
ربنا يكرمك
طيب هل النكييف مش هيأثر علي السحب خصوصا إن ماتورها صغير و هل هي اوسع من جوه ولا السيتروين وبالنسبة لاعادة البيع ايه نظامها و الف شكر ليك علي الرد :) |
الساعة الآن 05:01 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017