الحمد لله جنط وفردتيين كاوتش
فى يوم جميل اللى هو انهارده و السماء صافيه و زى الفل كده
نازل فى حالى و رايح الشغل فى الرحاب و ماشى فى حالى و كان امامى سياره ماشيه برضو فى حاله و فجاءه الافيها بترمى شمال جامد قوى و بمجرد ما رمت شمال كده بصيت لقيت حفره جميله كده من اللى قلبكوا يحبها طبعا حاولت افاديها بكل الطرق لكن هيهات هاتلبسها هاتلبسها يلمعلم و بالفعل نزلت فيها بالفرديتيين اليمين و فى لحظتها لقيت العربيه بترمى جامد فوى على اليمين و صوت تخبيط جامد قوى عرفت ان الفرده ضاعت و الحمد لله نزلت و بصيت على العربيه و كانت المفاجاءه فردتيين كاوتش و جنط اتعوج و الفردتيين واحده منهم اتقطعت خالص و التانيه عملت بلونه تسد عين الشمس و الحمد لله قومت منزل الاستين و مركبه و مشيت على العجله اللى فيها بلونه دى لحد ما وصلت الشغل و الحمد لله اللى يغيظ بقى ان الطريف ده لسه متسفلت كله منين جيت الحفره الزباله دى حسبى الله و نعم الوكيل بكل من بيستهتر بارواح الناس كده |
رد: الحمد لله جنط وفردتيين كاوتش
الحمد لله انك طلعت منها على خير
القاهرة بل تقريبا مصر المحروسة مفيهاش طريق ينفع لأى وسيلة نقل |
رد: الحمد لله جنط وفردتيين كاوتش
حمدلله على سلامتك يا احمد و فداك الف جنط و كاوتش و بالنسبة للحفر ارجوك اوعى تقول ان المفروض مايبقاش فى حفر ... لا المفروض يبقى فيه بس احنا ناخد بالنا
|
رد: الحمد لله جنط وفردتيين كاوتش
شعار الحكومه حفره لكل مواطن
|
رد: الحمد لله جنط وفردتيين كاوتش
حمدلله على سلامتك يا معلم
|
الساعة الآن 11:28 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017