استفسار عن كامرة السيارة
 

السلام عليكم

انا عاوز اركب كامرة عندى فى اللانسر بس مش عاوز الكامرة الى بتركب فى الاكصدام
الكامرة الى بدور عليها الى هى نيكل وبتركب فوق النمرة جمب النور بتاع النمرة
فلو سمحت اى حد يعرف مكانها فين وسعرها كام يدلنى علية ويكون لية الشكر

رد: استفسار عن كامرة السيارة
 

معقولة يا جماعة 29 مشاهدة ومفيش ولا رد لاخوكم

بجد والله زعلتونى جدا محدش فكر يرد باى معلومة

رد: استفسار عن كامرة السيارة
 

أولا عشان تركب كاميرا لازم يكون عندك screen في الكونسول بتاع العربية أو بتبقى تحت أو فوق التكيف حسب الموديل وعشان تركب كاميرا لازم تروح ل محل اكسسوارات بس يكون فاهم وتشتري كاميرا بس تقرأ عن الموديل في النت عشان متبقاش مقلب وبعد كده بتخرم في body العربية من الشنطة من جوه وتظبط عدسة الكاميرا على الفاتحة وببس كاميرة العربية تقريبا اصغر من الويب كام فـسهل إن يتعمل بيها كده بس لازم تجيب screen بيبقى فيه موديلات كتير منها اللي فيه جي بي اس و هارد ديسك وبيكون ممكن يتوصل بطارة متعددة الاستخدامات وممكن تتوصل بالموبيل منغير كاركيت وتتوصل بالmp3 وبيبقى فيها وصلت usb وممكن تبقى الشاشة بتاعتها تاتش ويبقى فيها امبليفير وتتوصل بالنت بس ده النسخ الغالية تتوصل ب usb modem زاي بتاع اتصالات وكده بس أهم حاجة قبل لما تشتري الكلام ده تقرأ عن الموديل عشان متخدش مقلب وتبوظ لو تعبانة


أتمنى اني أكون فدتك بمعلوماتي البسيطة واسيب أهل الخبرة يقولولك تجبها منين وكده

رد: استفسار عن كامرة السيارة
 

بص لو هتجيب ال screen ماركة أو كده تمنها يبدأ من 200 دولار وإنت طالع لحد 1900 دولار لو هتجبها صيني ممكن تبقى بـ 600 جنيه وبالنسبة للمكان ممكن سبير كار أو أي محل اكسسوارات بس نضيف بس مش كل محلات الكاسيت هتسعدك ممكن تشوف ادريان بس معرفش عنده ولا لأ وفيه محلات تانية كتيير عندها صيني وفيه عندهم أصلي

أما الكاميرا لوحدها معرفش بس مش هتبقى غالية ممكن مابين 50 و -200 جنيه

بس نصيحتي ليك أسأل أهل الخبرة اللي عرفين المحلات اللي بتبيع عشان الكلام بتاعي مش أكيد

رد: استفسار عن كامرة السيارة
 

تسلملى يا حبى والله انت عملت الى عليك واكتر
شوف بقى يا سيدى انا جايب الشاشة بتاعة العربية الى بيتجى من برا بتركب ع الفيشة على طول مطرح الجهاز القديم وكل حاجة تمام مفيش اى مشكلة
وسك الكامرة واصل للشنكر ومستنى بس الكامرة الى تركب فية
انا مشكلتى انا الكامرة الموجودة او المنتشرة هى الى بتركب فى الاكصدام زى السنسور حضرتك طبعا عارفها
وانا مش عاوز الكامرة دى الى انا عاوزة بتركب جمب النور بتاع النمرة بتبقى شكلها اشيك وعملية اكتر
ومش مشكلة سعرها اهم حاجة هى موجودة فين فلو حد يعرف يدلنى على مكانها يبقى كدة كتر خيركم
وتسلملى مرة تانية على ردك