مصر موتورز مجتمع السيارات - مميزات وعيوب سوزوكى فان

اقتباس:

المشاركة الأصلية كتبت بواسطة بلاشانت (المشاركة 760608)

انا اشتريت 3 عربيات سوزوكى فى عشر سنين
المميزات
قطع غيار رخيصه جدا جدا
اعتماديه جدا فى السفر وبتستحمل الافترى عليها انا سافرت بيها الاقصر وسافرت بيها شرم من غير مريحها حتى 5 دقائق طلعت بيها من المرج الساعه واحده باليل وصلت كمين شرم الساعه 6 صباحا :soccer_372:

عاليه عن الارض عمرها محكت فى اى مطب مع الحموله الكامله بس لازم تغير الجنوط بجنوط اسبور 13 والكاوتش مقاس 175/70

حجمها صغير وسهل جدا سواقتها فى الاماكن الزحمه وممكن تركنها فى اى حته

انا مره اتجننت ونقلت فيها سيراميك شقتى :hd:
العيوب
مش سابته وخصوصا فى الملفات ممكن تتقلب بمنتهى السهوله عايزه الى يسوقها يكون فاهم لها جدا

الفرامل ذى الزفت لو فى موقف مفاجى ولا تنفع ببصله دى ممكن كمان الفرامل تقلبها

بتستهلك بنزين بغباء مش ذى ممشهور عنها انها اقتصاديه فى البنزين مثال من القاهره الى الاسكندريه رايح جاى 55 لتر والمتوسط بتاعها داخل المدينه 11 لتر لكل 100كيلو

ناشفه جدا فى المطبات خصوصا الكنبه الى ورا

واى سوال انا فى الخدمه

[CENTER]
مع احترامي لكلام حضرتك لكنة مش صح في كل حاجة بالنسبة للعيوب والمشاكل الي بتقول عليها انت السبب فيها لية بقي لان انت مجنط 13 وهو دة سبب كل المشالك من فرامل وعدم توزان وناشفة
انا معايا نفس العربية 2013 بس مش مجنط مركب كاوتش عريض 12/175/70
علي نفس الجنط بتاعها والعربية جميلة ومش ناشفة الا لو مطب جامد او حفرة علي الدائري زي منتا عارف ودة سببة الاساسي ان العربية من ورا علي ورق سوست وليس مساعدين زيت
اما بالنسبة للتوازن انا مش مقتنع ان الجنزط ال 13 هتوزن العربية زي ما هو شائع بين الناس علي القهاوي ودة مش صح لانك بالبلدي كدة مش انصح من الي صنعها وهو مسمحلكش انك تغير مقاس الجنط لكن وفقط سمحلك تغير مقاس الكاوتش ودة لية مش رخامة ولا عبط منة لان مقاس الجنط يترتب علية الاتي:-
*مقاس المساعدين الامامية
*عدد ورق السوست الخلفية
*قطر الرفرف الساج وعمقة
*الاتساع ما بين فردة الكاوتش والمساعد من الداخل علشان ميحصلش احتكاك
*فتحة الباب الجرار (واكيد انت بتشوف عربيات ببنها مش بتفتح بسبب الكاوتش)
*اختبارات السرعة والامان والمتانة بتاعت الشركة لما تعدل تبقي اترمت في الزبالة والعربية غير امنه
*تغير مقاس الجنط يخل بسرعة العربية عن سرعة العداد يعني العربية تبقي علي العداد ماشية 90 وهي في الحقيقة ماشية 100 وتتاخد رادار وتقول الحكومة ظالمة
(هما مش ظالمة بس دول ولاد مرة ........)
والحل هو تتقيل العربية يعني تزود حاجات علي العربية تزود وزنها علي الطريق لان وزنها 500 كج وانا شخصيا عملت كدة واقولك تجربتي.
اول حاجة روحت فصلت شبكة عمولة للعربية ميقلش وزها عن 30كج علشان تستحمل وفنفس الوقت تديك وزن للعربية
كمان فصلت عتب للباب الجرار مش الجاهزة النيكل مواسير وفصلتها تديك متانة ووزن حوالي 25كج
كمان فصلت اكصدامات حديد 2مملي علشان تبقي متينة وتديني وزن وترحمني من كل شهرين اغير اكصدام ودول بيعملوا وزن حوالي 50كج
كمان ركبت غاز طبيعي !!! ايوة انا عارف ان العربية مش بتستهلك بنزين كتير 1لتر لكل 10 كيلو في الطرق السريعة و 1 لتر لكل 8 كيلو في المدن الزحمه
لكن الغاز لية فايدتين مهمين انك تترحم من طوابير البنزين ومتشغلش بالك
والاهم الوزن ودة المطلوب اسطوانة الغاز وزنها فاضية 40 او 50 او 60 او 70 كج
وممكن كمان تحط لوح خشب كونتر في ارضية العربية هيديك كمان 15 كج
لو جمعنا بقي الارقام دي
75+50+30+25= 180كج = وزن 2 راكب متوسط الحجم دول بقي حتي لو العربية فاضية من الركاب هايوزن معاك العربية علي الطريق مع الكاوتش تقدر تجري 100 مرتاح
ودي تجربتي الشخصية مع السوزوكي فان
لكن انا شايف ان اخطر عيوب في الفان هي
1- وزنها لان كل مكونتها صاج خفيف جدا حتي مفيهاش شاسية كامل تقيل
2- موتورها الصغير كانت محتاجة موتور 1300

[/CENTER]