|
عاوز أتاجر مع البورصة وأتعامل معاها ...
السلأم عليكم ورحمة الله وبركاته أنا عاوز أتعلم أشترى أسهم وأبيعها عن طريق البورصة بس بصراحة ماعنديش أى خبرة ومش بعرف أخش فى حاجة أنا مش فاهم فيها لأنى بأختصار مش عارف أيه الأسهم الكسبانة وأيه اللى بتخسر وأمتى أبيع وأمتى أشترى ؟!!!!, ياريت كل اللى عنده معلومة عن الموضوع ده يدلنى ويفدنى ويفيد ناس كمان كتير من اللى هاتقرأ الموضوع ده وجزاكم الله خيراً... |
رد: عاوز أتاجر مع البورصة وأتعامل معاها ...
وعليكم السلام ورحمة الله وبركاتة
انا هجاوب حضرتك على حسب معلوماتى علشان تشترى اسهم من البورصة بيكون عن طريق مكتب سمسرة معتمد وفى تلك الحالة يتم فتح حافظة باسم حضرتك يتم ادراج الاسهم بها والتعامل عليها سواء بالبيع او الشراء بتعليمات منك لمكتب السمسرة ( طبعا بياخد نسبة فى البيع و الشراء ) اما بخصوص الاسهم الكسبانة والخسرانة دى بتكون بالتوقع مع كثير من الحظ ومعلومة مهمة ان السهم لايخسر الا اذا اتباع وهو خسران بمعنى انك لو اشتريت سهم قيمتة 100 جم وبعد شهر بقى ب 50 جم السهم مش هيخسر الا اذا بعتة . بس لو احتفظت بية ممكن يعلى تانى وبيقى ب 110 مثلا دى معلوماتى ( عارف انها قليلة ) بس الاهم من غير فتى وكل عام وحضرتك بخير :Wkiss5: |
رد: عاوز أتاجر مع البورصة وأتعامل معاها ...
أشكر حضرتك على الرد , بس أنا كان قصدى أنى عاوز أعرف هل البورصة وشراء الأسهم بيبقى مرتبط بالأحداث العالمية والسياسية؟! هل بيبقى مرتبط مع أرتفاع سعر الدولأر وانخفاضه وأسعار الذهب العالمية ؟! أنا بصراحة محتاج حاجة زى مكتب تدريب أو زى مكان أخد فيه دورة أتعلم من خلألها أليات السوق وأتعلم ازاى لو السهم وقع أتصرف أزاى وأتعلم كمان أمتى أشترى وأمتى أبيع وأبدأ بكام , كده يعنى ؟!!!! ... ياريت لو حد عنده معلومة عن مكان ممكن من خلأله أخد دورة تدريبية أتعلم منها أزاى اتعامل مع البورصة وأزاى اتعلم ألياتها أو حتى برنامج كمبيوتر يتعمله دون لود واتعلم منه, شاكر جدااااااااااااااااااااً ليكم جميعاً والله الموفق والمستعان |
رد: عاوز أتاجر مع البورصة وأتعامل معاها ...
اتصل بالرقم ده
ا/ اسلام محمد 01005267305 استفسر علىالى حضرتك عاوزه وان شاء الله هيجاوبك على اى استفسار حظرتك عاوزه بس قله انا من منتدى مصر موتوز من طرف عصام ابو العنين |
رد: عاوز أتاجر مع البورصة وأتعامل معاها ...
حضرتك هتروح اى شركة سمسرة وتقولهم هيروح الشركة فاتحة لحضرتك محافظة بالمبلغ اللى انت عاوز تبدأ بية
بالنسبة بقى للاسهم حضرتك الفترة دية تابع الاسهم والحركة بتاعتها لمدة اسبوعين وشوف اية الاسهم الاكثر استقرار وصعودا وبعدها قرر انت هتستثمر فى انهى اسهم زى المنصورة للدواجن وكريدى اجريكول والانتاج الاعلامى وامكوا دى اسهم حلوة ,,,,, وهكذا وفى اسهم بتجبها وتحتفظ بيها بدون ما تبعها لانها بتدى كوبون محترم كل سنة من الارباح اللى حققتها فبتلاقى نفسك مع مرور السنين جبت قيمة الاسهم اللى معاك وكأنك اشترتها ببلاش هنا البورصة ملهاش معيار محدد بمعنى ان ممكن تلاقى شركة خسرانة والسهم بتاعها بيعلى كل يوم بس الاشاعات بتأثر جامد على البورصة بالسلب والايجاب ارجو ان اكون افادت حضرتك |
رد: عاوز أتاجر مع البورصة وأتعامل معاها ...
بالنسبة للبيع بقى فى حالين
لو حضرتك فاضى ومش شغال حضرتك هتروح الشركة كل يوم وبتشوف حركة الاسهم ولما مثلا تلاقى السهم اللى معاك زاد بتدى امر بيع عن طريق السمسار بالسعر اللى انت عاوز تبيع علية وفى نهاية اليوم هيبلغ حضرتك اذا كان الامر تم ولا لاء لانك عشان تبيع لازم واحد غيرك يكون هيشترى الاحتمال التانى ان حضرتك شغال ومش فاضى هنا ممكن حضرتك تتابع الشاشة من خلال موقع مباشر وبرضه لو لقيت الاسهم بتاعتك زادت هتتصل على طول بالسمسار بتاعك وتديلة امر البيع بالسعر اللى انتى عاوزة وبالتوفيق ان شاء الله |
رد: عاوز أتاجر مع البورصة وأتعامل معاها ...
ممكن تفتح حساب تجريبي من
http://www.stockriders.com/ اتصفحة كويس وشوف موقع مباشر وادخل على منتديات البورصة المصرية وبعدين تروح شركة سمسرة وتعمل كود وتتعامل من خلال الشركة، كتير من شركات السمسرة ليها شاشة اون لاين وممكن تتاجر اون لاين مش شرط تروح الشركة تحديد الاسهم الكسبانة والخسرانة مالوش قاعدة محددة وبيعتمد على التحليل الفنى والمالي والاساسي للشركة والاخبار جزء مهم جدا فى البورصة المصرية وكمان بيعتمد على المدى الزمنى يعنى ممكن سهم يكون خسران فى المدى القريب ولكن كسبان على المدى البعيد والعكس، فاختيار الاسهم بيكون على حسب استراتيجيتك لان فى اسهم دفاعية حركاتها بطيئة فى الصعود والهبوك بس بتحافظ على تماسك المحفظة واخرى هجومية او متطايرة بس دى بتعور فى النزول وبتبقى موز فى الصعود فانت بتنوع بين دي ودي واللى بيخلى فى بيع وشرا عموما ان فى اختلاف فى تقييم الافراد بمعنى ان لو انا شايف ان السهم الفلانى ده اخره وببيع ممكن حد تانى يكون شايف انه ممكن يصعد ويشترى ..والبيع والشرا م معناه ان هناك طرف خسران ولكن اختلاف رؤية الافراد للسهم |
| الساعة الآن 11:38 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017