ابخره من تكييف الفيرنا
 

معايا فيرنا 2011 اوتو

دلوقتي التكييف عندي مخنوق خالص - يعني باشغله علي 3 او 4

لو شغلته علي 2 ماباحسش بالهواء اوي

الحاجه الغريبه دلوقتي ان فيه ابخره بتطلع من فتحات التهويه عامله زي اللي بتطلع من الفم في الشتاء

قابلت حد فاتح ورشه لتكييف العربيات - وشرحتله المشكله - قاللي ان المشكله ان الكباس مش بيفصل ومحتاج يغير حاجه في التكييف مش فاكر اسمها وطبعا لازم الشحنه تتشال ويتشحن تاني

لو حده عنده خبره او الموضوع دا حصل معاه يقولي ايه الحل وتقريبا يتكلف كام؟

انا لسه في الضمان لكن بصراحه زهقت من غبور والتوكيل

رد: ابخره من تكييف الفيرنا
 

لاة حضرتك مفيش ابخرة حتى لو الجو حار جدا
وبالنسبة للكباس عشان تتاكد انة شغال صح افتح التكييف على واحد وافتح الكبوت وانت واقف على ايدك الشمال هتلاقى من اخر الكبوت بعد الماتور جمبة على طول الكمبروسير خد بالك منة هتلاقى بكرة على شكل دائرة مش متوصلة باى سير مجرد بكرة هتلاقية بتلف بسرعة وبعد ثوانى حوالى من 15 الى 20 ثانية هتلاقى البكرة بتقف فجاة وتعمل صوت واضح جدا زى تتتتتتك خد بالك ممكن تاخد وقت شوية اول ما تفتح التكيييف خليك جمبها عقبال ما التكييف يوصل للدرجة المطلوبة وهتلاقيها بعد كدة بتشتغل وتفصل على طووووووول
لو عندك الكلام دا يبقى انت الكباس سليم
عموما بقى الموضوع دا بالذات فى التكييف لانة معروف ان التمكييف ضلع العربية يعنى لو باظ بتغيرة يعتر كلة فانت روح التوكيل وهما يشوفوا الحكاية دى افضل صدقنى
احسن وافضل توكيل فى جمهورية مصر العربية هو توكيل السويس داخل المدينة الصناعية وسهل جدا تروحة وبتشوف العربية قدامك والمهندس هناك اخوك بالضبط الحجز بالتلفون 01005185909
مهندس محمد طاهر

رد: ابخره من تكييف الفيرنا
 

انا روحت التوكيل وقالولي ان المشكله في الترموستات بايظ وعايز يتغير

ودا بيخللي الكباس ما يفصلش - فيجمع ثلج - فيعمل سدد ويطلع الابخره دي

للاسف الترموستات مش موجود عندهم وقالولي هيبعتوا يجيبوة

رد: ابخره من تكييف الفيرنا
 

ربنا معاك يا رب و انا اعرف واحد بتاع تكيفات كويس جداً فى الجيزة حضرتك ممكن توديلو العربية و هو هيقوم بالواجب :010104~171:

وتقبل مرورى:CONGRA~238:

رد: ابخره من تكييف الفيرنا
 

فعلا ثرموستات
و على حكاية مش موجود و حنجيبه و نتصل
فعلا حصلت معايا فى ال i10 مكنش عندهم ماستر فرامل و لما جه اتصلوا من نفسهم بس المهندس هناك كان نصحنى ان انا اللى اتصل و اتابع وصول قطعة الغيار

رد: ابخره من تكييف الفيرنا
 

الابخره اللى بتطلع من التكيف ممكن مش تكون الترومستات بس ممكن تكون التلاجهاللى فى التابلوه مش نضيفه ومسدوده من التراب و خلافه و سعتها هيطلع بره بخار ابيض

رد: ابخره من تكييف الفيرنا
 

عزيزى انا هاشرح لك تجربتى مع الابخرة الخارجه من فتحات التكييف :
كان معايا عربيه سيفيا من الزيرو ممتازة وفجأه ظهر موضوع الابخرة اللى خارجه من فتحات التكييف اتصلت بواحد قريبى متخصص فى السيفيا وخاصة الكهرباء والتكييف وكان الموضوع بسيط للغايه واتحل فى 10 دقائق.
وهو انه كان فى خرم فى سربنتينة التكيف وكانت المياه بتسقط عليها وتتسبب فى خروج البخار من فتحات التكيف والحل كان انه لغى التكييف السخن وطبب فتحاته بالخرطوم وانتهت المشكله تماما
تحياتى