عيب في رينو داستر2012
 

انا عندي سؤال ويارب الاقي الاجابه الشافيه عندكم ان شاء الله

انا اشتريت رينو داستر .. والعربيه ما شاء الله عليها جميله في السحب وفعلا زي الناس ما بتقول مبيتاثرش سواء التكييف شغال او مش شغال ,, وسهله جدااا في تجاوز اي عربيه على الطرق السريعه.


بس في حاجه لاحظتها, وهي عند رجوعي للخلف او اضاءة الشبورة الخلفية... لمبه واحده بس اللي بتنور هي اللمبه اليمين ... انا كلمتهم في المصريه للسيارات علشان يضبطوا العيب دا لكن قالولي دا مش عيب .. هو في انواع عربيات تصنيعها كدا بتنزل كدا بلمبه واحده بس والداستر واحده من الانواع دي..

بصراحه انا مش مصدقهم, لسببين:
السبب الاول ان دي مستحيل تكون فكرة تصنيع, والا اللي اقترح فكرة اللمبه الواحده دي مينفعش ابدا يكون مصمم سيارات.
السبب التاني ان الناحيه الشمال موجود فيها فانوس رجوع للخلف بردو وكمان متركب فيه لمبه,,, ف ازاي يصممولو مكان ويحطو فيه لمبه و متشتغلش ؟؟؟؟؟

رد: عيب في رينو داستر2012
 

صراحه معرفش الداستر ايه نظامها
بس للعلم في عربيات كده كتير واولهم الجيتا غند الرجوع للخلف لمبه مرشدير واحده بتنور وهي اليمين برده :balloons71:

رد: عيب في رينو داستر2012
 

ازاي الكلام دا
متابع

رد: عيب في رينو داستر2012
 

انا مش متاكد من اللي انا هقوله دلوقتي بس انا قبل كده سمعت الحكاية دي في اللوجان وهي ان في لمبة واحدة مارشدير واللمبة التانية شبورة وسالت عليها في المنتدى وان شاء الله هرد عليك قريب وانا متابع معاك
ويمكن الحكاية دي تكون ومجودة في الداستر برضه والله اعلم

رد: عيب في رينو داستر2012
 

معظم الرينو الجديد - لوجان داستر سانديرو و الاستيبواي لمبة المارشدير لمبة واحده يمين والشمال شبورة خلفي ودا طبيعي هي تصميمها كده

ومعظم VW برضة فيه نفس الكلام جيتا وبولو وغيرهم

وعربيات كتير غير الرينو و VW فيهم نفس الكلام ايه الغريب في كده

رد: عيب في رينو داستر2012
 

شكرا جداا لكل اللي

الغريب ان اللمبه التانيه معمول حسابها ف التصميم وليها مكان وكمان المكان دا موجود فيه لمبه فعلا بس مبتنورش،،،. وبعدين لو هي فكرة تصنيع فمن المنطقي لو يعمل لمبه واحده يحطها ف النص مش ف اليمين او الشمال،، وبعدين لمبه واحده مش سيفتي افتراضا انك راجع ف حته ضلمه جدا،، روئيتك الناحيه الشمال هتبقى عشوائيه... دا رأيي ممكن ناس تانيه تخالفني فيه!

رد: عيب في رينو داستر2012
 

يا باشا اللمبة التانية دي شبورة بتنور احمر مش ملهاش لازمة زي ما حضرتك بتقول وبتولعها من دراع النور لما تلف الجزء بتاع الشبورة مرتين وعلي فكرة بتنفع فعلا لو انت بترجع في حتة ضلمة قوي ونرتها احسن بكتير كمان من نور المارشيدير الابيض