نيسان بيك اب
السلام عليكم بعد كثير من البحث والتدقيق انا ان شاء الله نويت على احدى السيارتين شيفورلية او نيسان واعتقد انى ميال شوية للنيسان بسبب السعر لانى ممكن اجيبها كاش غير الشيفورلية هضطر اقسط فعايز رايكم افادكم الله
معلومة انا هعملها صندوق وهتشتغل فى تجارة الجملة للشيبسى ومنتجاته ولو حد يعرف مكان بيعمل الصندوق الكبير فى اسكندرية جزاكم الله كل الخير |
رد: نيسان بيك اب
موفق ان شاء الله و ربنا يستر طريقك سوقسوق
|
رد: نيسان بيك اب
جزاك الله كل الخير
طيب حضرتك ايه رايك فى النيسان لو حضرتك تعرف |
رد: نيسان بيك اب
اقتباس:
أستاذ محمد مجدى نورت مصر موتورز يا باشا بالنسبه للنيسان لو فكرت تبيعها بعد ماشتريتها هتخسر جامد وكمان تقيله فى عملية البيع أنا سوقتها قبل كده الجديدة بيتهيالى موديل 2010 أو 2011 هى العفشة بتاعتها جميله بس قبل كده كانت مع واحد صاحبى وكان سيقها بس الكلام ده من كام سنه وموديل قديم العربية كانت بتعوم منه أوى وكمان كان شتاء بالنسبة للشيفروليه معرفش حاجه عنها الأ القليل بالنسبة للجامبو 8000 فلو حضرتك هتقسط يبقى بلاش شيفروليه أو حتى نيسان خش على تويوتا وهتدعيلى وده رأى الشخصى وأرجو أنى أكون أفدت حضرتك. أخوك محمد :THE_PR~18::THE_PR~18::TH E_PR~18: |
رد: نيسان بيك اب
بص بحكم انتشار النص نقل بكثره عندنا...
النيسان منتشره جدااا وعلي فكره واكيد حضرتك عارف انها 2700 سي سي مش 2500 زي الشيفروليه...والنيسان من مميزاتها اللي باسمعها هنا من زبايني اللي معاهم انها واسف علي اللفظ حمار شغل وبيحملوها 2 طن ويزيد قليلا وده صعب قوووووي مع الشيفروليه... وقطع غيارها منتشره انما لو هنتكلم عن الشكل فالشيفروليه يكسب وربنا يوفقك...:Wkiss5: |
رد: نيسان بيك اب
اقتباس:
|
رد: نيسان بيك اب
السلام عليكم
جزاكم الله كل الخير على التعاون الفعال هيا فعلا مشكلة النيسان اعادة البيع لكن سعرها هوا اللى شددنى سعرها كاش قريب من مقدم الشيفورلية بس انا عايزها لشغل مش بغرض البيع وانا كدا كدا فى اى عريبية هعمل صيانة مع الوكيل انا كان نفسى فى تويوتا لانى ركبتها فى قطر بس للاسف قطع الغيار هنا غالية ولو حتى مع الوكيل وهيا مش بتاعت شقى جامد زى الشيفورلية او النيسان |
الساعة الآن 09:38 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017