مصر موتورز مجتمع السيارات - مشكلة تعريق زيت على موتور ابيزا 94

مصر موتورز مجتمع السيارات (https://www.masrmotors.com/vb/index.php)

- سيات SEAT (https://www.masrmotors.com/vb/forumdisplay.php?f=20)

- - مشكلة تعريق زيت على موتور ابيزا 94 (https://www.masrmotors.com/vb/showthread.php?t=87314)

مشكلة تعريق زيت على موتور ابيزا 94

السلام عليكم
مشكلتى انى لاحظت تعريق زيت ورا الموتور من ناحية خرطوم المبخرة .
وكمان بداء يظهر من فوق وش غطا السلندر
فى الحقيقة واحد ميكانيكى محترم قالى مش مشكلة كبيرة وعليك بتغيير خرطوم المبخرة (حرف التى ) والوش ممكن جوانات لأن المكنة الحمد لله سحبها كويس وفى المطالع وتسارعها زى الفل
ممكن ازاى استنتج ان المكنة خفت علشان اشتغالات الميكانيكة
شكرا

رد: مشكلة تعريق زيت على موتور ابيزا 94

السلام عليكم

التفويت بيبان في السحب في المطالع و لون العادم بيكون لونه ازرق فاتح وبيكون هناك نقص كبير في الزيت بس ان شاء الله يكون جوان غطاء التاكيهات
والله المستعان

رد: مشكلة تعريق زيت على موتور ابيزا 94

مفيش اي قلق الموتور زيه زي البني ادم بيتنفس و البخر ده عادي طالما الموتور مبياكلش زيت و اداءه كويس خلاص و اغسل الموتور غسلة كويسة و اعمل سرفيس في معاده و متسبش الزيت يعد اكتر و الزيت اللي تحطه يكون مناسب للموتور و موتور الابيزل 94 ال 1300 احسن زيت ليه هو توتال كوارتز 5000 عن تجربة ..

رد: مشكلة تعريق زيت على موتور ابيزا 94

تعريق الزيت ليس مشكلة خطيرة ومشكلته الوحيدة في انه بينقص الزيت

لازم مع اي فك لغطا التاكيهات وهو بيركبه يوضع عليه مادة لاصقة بيسموها جملكه عشان ميسربش

رد: مشكلة تعريق زيت على موتور ابيزا 94

ان شاء الله خير

رد: مشكلة تعريق زيت على موتور ابيزا 94

اقتباس:

المشاركة الأصلية كتبت بواسطة مشمش1 (المشاركة 677755)

السلام عليكم

التفويت بيبان في السحب في المطالع و لون العادم بيكون لونه ازرق فاتح وبيكون هناك نقص كبير في الزيت بس ان شاء الله يكون جوان غطاء التاكيهات

والله المستعان

وعليكم السلام
اشكرك عزيزى على الرد... واعرفك ان الدخنة لونها اسود وهو غالبا ضبط هوا وبنزين... وغالبا لازم احل غطاء التاكيهات زى ما قلت لأنة فعلا سبب المشكلة.

رد: مشكلة تعريق زيت على موتور ابيزا 94

اقتباس:

المشاركة الأصلية كتبت بواسطة mohamed ibiza (المشاركة 677801)

اشكرك يا محمد على الرد
فى الحقيقة انا عاوز فعلا اغسل الموتور غسلة محترمة بس خايف من تبعات الغسيل مانتا عارف يا المكنة اشتغلت يا طلعت عينك فى الدوارة.... بس ناس نصحتنى بالغسيل الكيماوى!!!!! اية رأيك
وبالنسبة لأكل الزيت فهو غير ملحوظ اللهم نقص نتيجة تنقيط خفيف بسبب تفويت فى صامولة تغيير الزيت من عامل المحطة الله يسامحة...
وانا مداوم على تغيير الزيت بميعادة ومريحنى موبيل بتاع ال3000 كم بس ممكن اجرب كوارتز.
المهم كل دة قلقنى لأن الميكانيكى خوفنى وقالى ماتشغلش التكييف لأنة حيقصف عمر المكنة ودة اللى راوشنى...:w6w200504112236 376d