ساجا ولا برسونا
السلام عليكم ورحمة الله وبركاته
انا رحت النهارده لعز العرب فى الدون تون فى اسكندرية شفت بروتون ساجا وبرسونا ومكنتش موجودة جين 2 مبدئيا العربيتين عجبونى بس طبعا فيه فرق سعر الساجا ب 75 الف والبرسونا ب 95 الف وانا شايفه بدال هدخل فى رينج التسعينات يبقى اختار هيونداى ماتريكس او نيسان صنى انتوا ايه رايكوا؟ مع العلم انى عاوزة عربية اتوماتيك وعاليه و واسعة. انا كنت ناويه على لوجان بس التوكيل قالى بعد 6 شهور مش عارفة ليه يعنى وانا مستعجلة سلام |
رد: ساجا ولا برسونا
:THE_PR~18: الساجا ب 75 الف |
رد: ساجا ولا برسونا
لو دخلتي فعلا في الفئه اللي بعد 90000 يبقي فعلا خليكي في الهيونداي او الصني وبلاش البرسونا لكن لو اقل يبقي الساجا كويسه وعلي اد فلوسها
|
رد: ساجا ولا برسونا
أولا الساجا عشرة علي عشرة الحمدلله عليها
وحضرتك ممكن تشرفينا علي الفيس بوك saga egypt club ده جروب ملاك العربية واسمعي منهم كل اللي انتي عاوزاه عنها الجين 2 هي هي البيرسونا بس هاتش باك والصراحة افضلهملك عن الصني في الكماليات والموتور والشكل وافضلهالك عن الهيونداي برضه في الأداء والكماليات |
رد: ساجا ولا برسونا
انا معايا برسونا والعربية الحمد لله تمام اوي
كفاية الاداء والثبات ع السرعات العالية ياجماعة انا سافرت من القاهرة للعين السخنة ف 40 دقية بعربيتي. بس العربية بتستهلك بنزين كتير شوية ع السرعات العالية دي ودة طبعاً اكيد فاي عربية قصدي ع السرعات العالية فوق 140 وانت طااااااالع. ربنا يوفقك ان شاء الله وتشتري حاجة كويسة.:CONGRA~238: |
رد: ساجا ولا برسونا
العربية فعلا اداء عالى جدا وممتازة وافضل كثيرا من الصنى والماتريكس بس عيبها الوحيد هوانتشارها بالمقارنة مع باقى السيارات
|
رد: ساجا ولا برسونا
الساجا سياره فعلا ممتاز ناعمه جدا عفشه معقوله جدا تسارع ممتاز مش ممكن تحس انه 1300 ابدا حتى مع التكيف مش بتموت قطاع الغيار الناس بتقول غاليه انا شايف انها مش غاليه يعنى مثلا مرايا كهرباء ب 500 جنيه لعربيه 2012 عادى جدا بتاعت النيو اكسنت ب 950 جنيه العربيه معايا اتوماتيك من شهر 6/2011 وراىء فيها انها ممتازه بالنسبه لسعرها بالحق تكيفها تلاجه واللى عايز يشتريها يتوكل على الله :Bravo:
|
الساعة الآن 03:42 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017