speranza A113
 

I have some questions to the people which have experience
with A113
Is it easy to sell again
does it lose too much in price by resale
Are the spare parts expensive and available

رد: speranza A113
 

بما اني منضم حديثا لعائلة اسبيرانزا 113
وعايز اقول لك اني كنت شديد التردد
يعني انا بعت عربيتي من رمضان اللي فات !! وقعدت 7 شهور من غير عربيه ، صرفت فيهم مليارات الدولارات على التاكسيات
بص يا سيدي ، انا احتمال كبير جدا اسافر في نهاية الصيف ده ، ولهذا كان الاختيار هو 113
لأنه ماسكه سعرها نسبياً في السوق
يعني انا بشوف كسر الزيرو بتاعها ب48 و 47.5
وموديل 2008 منها ب 46 لحد 42 (لو حالته متبهدله شويه)
وده يعتبر كويس من وجهة نظري
لأن الطبيعي ان السياره بتنزل 5 الاف مجرد ماترخص ، طبعا سيبك من اللانوس والفيرنا واللانسر لأن دول خارج اي منطق او قانون طبيعي :) يعني اللانسر ممكن تجيبها زيرو ، وبعد 10 سنين مثلا تبيعها بتمن اكتر من اللي جبتها بيه
فبعيدا عن التلات سيارات دول
تقدر تقول انها ماسكه نفسها في السوق ، وعليها طلب أكثر من ال 1600 حتي
المهم
ان شكلها مألوف ، يعني انا كنت في السوق بشوف عربيات أصحابها واقفين يشرحوا للناس ايه نوع العربيه ، وان ليها قطع غيار أو انها شبه مش عارف موديل ايه في الياباني !! والعربيات دي طبعا بتبقى صعبه قوي في البيع ، انما ال113 معروفه ، ومتواجده في سوق المستعمل بشكل ملحوظ

ارجو اني اكون قدمت لحضرتك صوره مفيده بالنسبة لموضوع السوق

اما موضوع قطع الغيار
فمش ح اقدر افيدك فيه قوي بشكل صادق ، لأني محتكيتش بيه لسه ، انما عموماً الانتشار الواسع ، والتاكسي ، ح يخفضوا قطع غيارها اجباري ، لأن في اول ما نزلت العربيه مكانش ليها قطع غيار غير في الوكيل ، وطبعا اسعاره نار ، دلوقت - على ما اسمع - فيه بدائل كتير
(يعني اسمع مثلا ان تيل الفرامل الأمامي هو نفسه تيل الريجاتا اللي ب30 جنيه !!! في ناس بتجيبه وبتنفض للتيل الأصلي ابو 150)

رد: speranza A113
 

يا عم همهم جزاك الله خيرآ ! انت جاوبت الراجل على قد سؤاله فعلآ !

بس اللى أنا عاوز أعرفه العربيه دى حلوه ! سعنى عشقت فى دماغك بعد ما سوقتها !

لآنها معشقه فى دماغى شكلا - ياريت تعطى لنا نبذه كريمه وشكرآآآآآآ


Dr. Mowafi ptmnlo123per1127

رد: speranza A113
 

اخى Dr. Mowafi ابو نورا كان كاتب تقرير عن السيارة ودة اللينك بتاعها

http://www.masrmotors.com/vb/showthread.php?t=1690

رد: speranza A113
 

انا اصلا اللي خلاني اجيبها ، اني سوقتها في سوق السيارات
(كنت عامل نفسي بشتري )
ودلوقت بعد 700 كيلو سواقه
اقدر اقولك اني مش ندمان ، ومبسوط بيها قوي

الله اعلم بقى بعد ال750 كيلو ممكن يكون رأيي ايه
سبحان مقلب القلوب :)

رد: speranza A113
 

for the parts of speranza cars it is avalibale in Maadi -48 street 77 - 0123104040 with very good prices- El hassan store

رد: speranza A113
 

قطع الغيار موجود فى المعادى وباسعار اقل من التوكيل - محل الحسن - 0123104040 - 48 شارع 77 المعادى- القاهرة