|
باركولي انا جبت رينو ساندير ستيب واي
السلام عليلكم
اولا احب اشكر كل القائمين على المنتدى والمشاركين فيه لانه فادني جدا في تحديد نوع السيارة انا والحمد لله استلمت سيارتي الستيب واي من اسبوعين وتقريبا قربت اكمل اول الف كلم طبعا لحد الوقتي والحمد لله مفيش اي شكاوى... لكن هاوصف انطباعي اولا السيارة مصممة لشوارعنا وده واضح من شكلها ثانيا بالنسبة للفروق بينها وبين السنديرو العادية من جوه هو الكنبة الخلفية وتجهيزات كرسي الطفل اللي فيها( نظام الايزو فيكس) وهاتلاحظها من خلال مسند الراس اللي في وسط الكنبة وكمان حزام الامان الثالث المعلق من سقف العربية ورا ثالثا الجير بوكس بيعتمد على نظام النقلات القصيرة لتعويض قدرة الموتور المتوسطة وايضا لتوفير البنزين داخل المدينه وده واضح في الاستهلاك ( حوالي 211 كلم داخل البلد) وهو استهلاك ممتاز جدا بالنسبة لموتور 1600 كان فيه ناس بتتكلم عن زنه في دواسة البنزين ... الاحساس ده بتحسه اثناء رفع الرجل فجاة عن الدواسة... لكنه مش جديد عليا وده كان موجود معايا في التويوتا كورولا موديل 95 وهو في كل السيارات اللي ركبتها الجديده والقديمه ... الفرق بس في مقدار ظهوره العفشه حقيقي ممتازة وسلسه جدا في المطبات وعلى الطريق اقدر اقول ان تصميم الكراسي وخامات التنجيد مريحه بشكل واضح بخلاف اي سيارة في نفس الفئة... وهو ما يحسب لها لحد هنا ولسه مفيش اي ملاحظات... لو في جديد هابلغكم ان شاء الله... واي سؤال انا جاهز للرد تحياتي للجميع:THE_PR~18: |
رد: باركولي انا جبت رينو ساندير ستيب واي
الف مليون تريليون مبروك ويارب يكفيك شرها ويديلك خيرها وقولى بقا لونها ايه
|
رد: باركولي انا جبت رينو ساندير ستيب واي
(بسم الله)
أسأل الله الرحمن الرؤوف الرحيم أن يؤتيك خيرها ويكفيك شرها وشر الطريق_وشر كل حاقد أو حاسد إذا حسد .:THE_PR~18::THE_PR~18::f un_36_3_12[1]: |
رد: باركولي انا جبت رينو ساندير ستيب واي
اقتباس:
انا اصلا بحبه جدا لانه اقوى لون رياضي... بحس فيه بحركه وتوهج... وبعدين لقيته ظاهر الشغل اللي فيها ... خصوصا تنفيخات الرفارف |
رد: باركولي انا جبت رينو ساندير ستيب واي
اقتباس:
|
رد: باركولي انا جبت رينو ساندير ستيب واي
ألف مبروك يا باشا العربية ديه أنا نفسى أجيبها و خايف جدا منها عشان معرفش ثباتها على ال 100 ملا عمل ازاى و مريحة و لا لأ
فياريت تقولنا على ثباتها و على الراحة فى السفر مثلا مسافة 150 كيلو أو قريب من كدة شوة |
رد: باركولي انا جبت رينو ساندير ستيب واي
الله يبارك فيك ياباشا
اولا بس عايز اقول حاجه بسرعه... اي عربية بتحيب ال100 كلم عادي وبدون مشاكل لان ديه مش سرعه بمقياس التكنولوجيا النهارده... واي حد بيكلم في اي حاجه في اي عربية على سرعة 100 يبقة حاجه خاصه او اي كلام... لكن السرعات اللي فيها كلام من اول 140 ديه بتفرق حقيقي. انا مقدرتش اجيب بيها اكتر من 170 لاني لسه مسفرتش بيها ... فديه حدود السرعه اللي قدرت اجيبها على الدائري في القاهره مفيش فيها اي مشاكل لكن لازم تاخد بالك انها عربية عالية .... يعني ماتحاولش تكون على سرعه فوق ال 150 وتعمل غرز وملفات جامده... يعني تخلي سواقتك في السرعات العاليه بتركيز وفي حدود الامان لو عايز عربية نمرة واحد في المناوارات يبقى تحيب بروتون جين 2 او بيرسونا... ديه عربيات لوتس اصلا بس السانديرو واللوجان علوهم ممتاز جدا في بلدنا... مفيش حك في مطبات ابدا... مبتقلقش من دخول اي شارع فيه بلاعة طافحة... الى اخره هي عموما لحد الوقتي العربية كل ما بركبها بحبها اكتر... وده انطباع كويس اسال الله ان يدوم وتحياتي ليك ولكل المنتدى الرائع :fun_36_3_11[1]: |
| الساعة الآن 11:57 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017