ما هى الطريقة المثلى لاستخدام منتجات ABRO
 

ما هى الطريقة المثلى لاستخدام http://www.abro.com/media/images/products/31_full.jpg
كيفية استخدامه يعنى وكيف يضاف وهل يتم خصم مقدار العبوة من كمية الزيت اللى بيتحط للموتور
وسبب سؤالى لان بصراحة محتار لحد دلوقتى اتحكى لى 5 طرق او افتكسات مختلفة

كذلك http://www.abro.com/media/images/products/19_full.jpg

رد: ما هى الطريقة المثلى لاستخدام منتجات ABRO
 

الاول دا زيت السنبر
احسن طريقه لاستعمال زيت الشنبر كالاتي
يتم استعماله عند تغيير الزيت و الفلتر بزيت متعدد الدرجات
و انت بتفرغ الزيت حط الكانز علي فرن الشكمان علشان يفك شويه لانه تقيل زي عسل النحل
و يضاف هو و الزيت مع بعض لحد ما العربيه تاخد كفايتها من الزيت
لكن
اول ما تحطه اعمل حسابك تطلع علي طريق طويل يعني تغير الزيت و انت مسافر
و تمشي بيه حوالي 300 كيلو علي الطريق
يعني رايح جاي من اي مكان سفر انت رايحه
و دي لاااااااااااااااااازم تعمل كده علشان يشد و يسخن و يقفل اماكن الشنابر المتآكله
و بعدين تنزل الزيت دا علي 1000 كيلو
و ما تستعملش زيت الشنبر دا و تفضل لمده 10 الالف كيلو تستعمل نفس نوعيه الزيت
و انصح بزيت كاسترول ب 65 جنيه او التعاون بنفس الحدود
و تغير الزيت علي 1500 دايما
بعد ال 10 الاف كيلو هتلاقي الدخنه و النفخ قل بدرجه معقوله و الموتور يعيش معاك سنتين

دي الطريقه الامثل لاستعمال زيت الشنبر
.........................
اما الكانز التنيه فدي علشان تعالج مياه الحنفيه و تجعلها اكثر فاعليه
دا تنضف الردياتير و تحط مياه مقطره او مياه من الطرمبه(لخلوهم من الاملاح) و تضيف الكانز دي عليها و بس

رد: ما هى الطريقة المثلى لاستخدام منتجات ABRO
 

رد: ما هى الطريقة المثلى لاستخدام منتجات ABRO
 

اولا شكرا ليك جدا يا باشا على الرد
بس لما قريت اللى مكتوب على الكانز بتاع الشنبر قالك انه فعلا بيتحط مع المواتير الحديثة والقديمة مع كل غيار زيت والهدف منه وخصوصا حبيت اجرب بعد ما قريت موضوع cars admire الوقاية يعنى موش لازمة العربية تجيب شنبر علشان يتحط والعربية موديل 2010 ولا ايه رائيك
طيب هو لازم لما احطه اخصم من كمية الزيت اللى بحطه عند الغيار
يعنى لو بحط 3.5 احط 3 بس زيت بالاضافة لكانز الشنبر

:thinkW19:
وسؤال كمان معلش يعنى مبسبهوش لحد موعد غيار الزيت اللى الجاى يعنى لازم انزله بعد 1000 كيلو :thnkr:
منتظر الرد بفااارغ الصبر :CONGRA~238:

رد: ما هى الطريقة المثلى لاستخدام منتجات ABRO
 

انا سئلت :fun_11_15_21[1]: ولاجل الافادة يا شباب لما تحط كانز الابرو متخصمش من كمية الزيت المطلوبة يعنى لو بتحط 3.5 للموتور تحطهم بالاضافة لكانز الابرو
وفوائده تقليل الاحتكاك وتشحيم البساتم وغيره
تقبلوا تحياتى :286:

رد: ما هى الطريقة المثلى لاستخدام منتجات ABRO
 

أها أنا منضم بنفس الإستفسار ياعني مش لازم أستنى لما الماتور يدخن علشان أستخدم زيت الشنبر؟
طيب هل لو إستخدمته وأنا حالة الماتور عندي جيدة ومش هقول جيدة جدا لازم أنزله بعد 1000 كيلو ولا ممكن أغيره مع معاد تغيير الزيت القادم؟ وهل ممكن أستخدمه بصفة دورية أو على الأقل كل ماتسمح الظروف ولا مالوش لازمة؟

رد: ما هى الطريقة المثلى لاستخدام منتجات ABRO
 

كميه الزيت داخل الموتور ثابته
ما ينفعش ازود نص كيلو زياده علي الزيت حتي لو زيت شنبر كده تهريج
بالنسبه لاستعماله فهو فقط عندما يكون الموتور في حاجه اليه و طالما العربيه سليمه
يبقي حافظ علي غيار الزيت و الفلتر في مواعيدهم الدوريه و بنوع كويس علشان تضمن اطول عمر ممكن للموتور
و غلط انه يتحط علي كل غيار لانه تقيل و الزياده في استعماله توسع الشنابر
هو يدوب مره لو الموتور بيدخن و غيار زيت زي ما قولت و خلاص علي كده
طبعا يستعمل مع المواتير الحديثه و القديمه بشرط انها تكون بتاكل زيت