طريق الجيش الجديد
انا بإذن الله مسافر سوهاج وعقدت العزم اني اسافر علي طريق الجيش الجديد بيقولوا عليه طريق محترم وكمان ااقصر من الطريق الغربي اللي المسافه من بدايه الطريق الصحراوي الغربي لحد اسيوط 400 كم)
بس لو حد يعرف يوصفلي اسهل طريق لحد ما اوصله يبقي كتر خيره انا ساكن في 6 اكتوبر وياريت يكون وصف دقيق يا جماعه انا عارف اطلع الدائري من اكتوبر وانزل نزله المعادي وحلوان لكن بعد كده ماعرفش اي حاجه خالص ولو فيه بنزينه معينه ممكن افول منها هتكون فين مع خالص الشكر |
رد: طريق الجيش الجديد
ربنا يوصلك بالسلامه
و الاعضاء هتعرف اكتر مني |
رد: طريق الجيش الجديد
اقتباس:
هما فين الاعضاء اكيد في الانتخابات SLEEEPSLEEEPSLEEEP |
رد: طريق الجيش الجديد
باشا ازيك عامل اية طبعا انا كنت ساكت خالص وموضوعك هو اللى طلعنى عن صمتى لكن مبحبش حد يتوه بالذات فى الطرق الطويلة ممكن حضرتك تقولى رايح فين فى سوهاج وانا هدلك اولاً انت عندك 4 طرق 1- الطريق الزراعى ( استبعده لانة ممل وطويل ومطبات وقرف )2- الصحراوى الغربى ( طريق ممتاز جداً وفردى يعنى كل اتجاه ليه طريق لوحده بس طويل شويتين بس برضو عليه خدمات كتيرة بمعنى انك مش هتحس انك فى صحراوى ) 3- الصحراوى الشرقى ( اقصر من الطريق الغربى فى حدود 60 كم بس مزدوج يعنى رايح جاى مع بعض والخدمات معقولة علية لا بكثيرة ولا بقليلة ) 4- طريق الجيش (ودى اخرها اسيوط مش سوهاج برضو الطريق مش مزدوجة وجميل جداً بس الخدمات قليلة جداً واقصر من الشرقى ) اختار الطريق اللى يعجبك والمكان اللى انت رايحة وانتظر منى شرح مفصل |
رد: طريق الجيش الجديد
السلام عليكم ورحمه الله
طريق الجيش يعتبر من اجمل طرق الصعيد انت بعد لما تركب الوستراد تفضل ماشى عليه وتعدي صقر قريش وبعدها سجن طره وبعد كدا تعدي مايو وانت فى مايو فى 2 بنزينه واحد فى المقابل (موبيل) والتانيه(اويللبيا) لو عايز تحط بنزين بعدها هاتمشى هالاقى يافطه بقولك طريق الكريمات الزم اليمين تطلع مطلع الطريق يمين كدا انت على اول طريق الجيش اول وصله وهى حلوان-الكريمات- بنى سويف الطريق واسع وجميل جدا والسرعه للملاكى 120 بعد حوالى 7 كيلو هاتلاقى كارته حلوان وفى 2 بنزينه وطنيه فيهم كل الخدمات بعدها هاقطع حوالى 50 كيلو هاتلاقى كارته الكريمات وفى هناك بنزينه وطنيه بس فى المقابل بعدها بحوالى 2 كيلو هاتلاقى بنزينه وطنيه بس تحت الطريق(على طريق الكريمات الزعفرانه) هاتفضل ماشى حوالى 50 كيلو هاتلاقى مخرج بنى سويف طبعا حضرتك هاتفضل مكمل لو عايز تنزل بنزينه وطنيه فى واحده فى بوابه الكارته بتاعته بنى سويف لان بعد كدا مفيش بنزينه لحد اسيوط تانى وصله هى (بنى سويف-المنيا-اسيوط) والطريق لسه بيلمع من نضافته هاتفضل ماشى فيه لحد متوصل اسيوط الطريق جميل جدا واحسن من الغربى 100 مره ومش هاتحس انك مسافر اصلا ولو فى اى استفسار انا موجود للرد |
رد: طريق الجيش الجديد
السلام عليكم
بص يا باشا لو نويت تمشى على طريق الجيش ... انا مشيت فية كتير بس لحد المنيا بس طريق جميل جدا بس مفيهوش بنزيمات تقريبا بعد بنى سويف (مش فاكر اوى)... يعنى تفول وانتا فى بنى سويف بص انتا هتطلع الدائرى وتنزل نزلة المعادى - حلوان (الاتوستراد) وتفضل ماشى فى الاتوستراد اتجاة حلوان (متحودش لايمين ولاشمال) ... هتعدى سجن طرة وشق الثعبان وحلوان وهتلاقى كامين 15 مايو هتعدية وتفضل مكمل على طول بردة بعد 200 متر كدة هتلاقى يافطة طريق الكريمات هتحود يمين وتطلع شمال ( الطريق فوق) نصيحة متمشيش الصبح بدرى اوى او بليل متأخر اوى |
رد: طريق الجيش الجديد
اقتباس:
انا ان شاء الله هاسافر علي طريق الجيش لحد اسيوط وبعد كده هاكمل زراعي لاني رايح المراغه ان شاء الله |
الساعة الآن 02:49 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017