يابشا انا تحت امرك

اقولك يا سيدى لية متجبهاش مستعملة ... بصراحة انا جبت منها 7 عربيات كلهم زيرو مفيش فيهم اى مشكلة والحمد الله ماشين زى الفل

فى اتنين صحابى قالو هيبجيبوها مستعملة والعربيتين مطلعين عينهم لحد انهاردة ومنهم واحد اتعقدمنها وباعها بس الحمد الله وصلنا للعطل بس بعد فوات الاوان

اول عربية صاحبى جابها مستعملة من بورسعيد والعداد بتاعها كان مصفر ومش بيحسب اى حاجة خالص ولا كمبيوتر الرحلات الى فى العداد شغال وصاحب المعرض ربنا ينتقم منة قالة اصل انا كنت مغير بطارية وشلتها فعملت الموضوع دة وشوية وهترجع تشتغل تانى ..

طبعا هو كلمنى سألنى قولتلة لا مفيش كلام من دة وبلاش العربية دى بس مسمعش الكلام اكمن السعر كان مغرى شوية

وبدأت المهازل بقى لما العدادت كلها فصلت ونروح لدة ونلف ع دة ويقولك مشكلة فى علبة البلوف بتاعة الفتيس والى عاوز يحل مش عارف اية وفتى للصبح ..

فى الاخر الواد اتعقد وقال هيبيعها وصاحب معرض اشتراها وقلنا نجرب عليها عددا عربية تانية وفعلا جبنا عداد عربية تانية قطمة وركبناة اشتغل ع طول واختفت المشكلة ..

الى حصل بقى ان البية صاحب المعرض الى بايع العربية كان بيحاول يصفرالعداد ومعرفش والعداد باظ منة ..

العربية التانية ظهرت بمشكلة ف الفتيس ودة كانت بسبب ان صاحبها الاولانى مغيرش الزيت وكان بيعزب الفتيس فى النقلات لما هلكة .. وفى النهاية ادت لتغير فتيس بعد صرف مصاريف كتير فى محاولات اصلاحة ..

فعلشان كدة انا متعقد جدا جدا من العربيات دى كونها تيجى مستعملة بمعانى محدش جابها مستعملة وعمرت معاة لكن الى جايبينها زيرو ومحافظين عليها شوف العربية معاهم ما شاء الله معدية 80 الف وربنا كارمهم

فانا بنصحك نصيحة من اخ لاخوة علشان متتعبش بعد كدة وتتعقد وكل طبعا نصيب

وربما يسترها عليك وعلينا