|
12# دكتور تامر (fhd737)
*الاسم : تامر محمد
*السن :30 سنه *الاقامه:الشرقيه *المهنه :طبيب(ماجيستير انف واذن وحنجره- دبلوم تخصصى فى طب الاطفال) *الحاله الاجتماعيه:متزوج 00 ابو محمد *مكان العمل:مستشفى عام بالشرقيه *الهوايات:الكتابه-خاصه الادب-كره القدم- الثقافه بشكل عام *الامنيات :الوحده العربيه وتقدم العرب00 والسلام لكل العالم *السياره الحاليه:تويوتا كورولا |
رد: 12# دكتور تامر (fhd737)
>تذكير بنظام الموضوع< يتم اختيار عضو ليكون لتوجه له اسئلة من الاعضاء عن نفسة وله الحرية فى الاجابة عنها او تركها يقوم الاعضاء بتقييم ردود العضو باستخدام ادوات التقييم ويعتبر الموضوع فرصة مهمة للتعارف بشكل افضل بين الاعضاء اهلاً بيك يا دكتور على كرسى الاعتراف ptmnlo123per122 حضرتك من الشخصيات اللامعة فى المنتدى والمحبوبة واكيد كلنا نفسنا نتعرف على حضرتك بشكل اكبر ديه اسئلتى يارب تكون خفيفة عقبال ما باقى الاعضاء يجهزوا اسئلتهم اسئلة عامة ليه اخترت مهنة الطب وازاى اخترت التخصص بتاعك ولو كنت هتختار مهنة تانية كانت هتكون ايه ايه علاقتك بالمنتديات وايه الحاجات اللى بتحبها فى مصر موتورز اوصفلنا يومك على الانترنت بتعمل فيه ايه الاسئلة السياراتية سواقتك شكلها ايه عصبى هادئ بتسوق بحذر ولا بتهور ايه هيا الحاجات اللى دايما بتحافظ على وجودها فى عربيتك الاسئلة الشخصية ايه اكتر حاجة بتدايقك او بتكرهها ايه اهدافك العملية ومشروعاتك المستقبلية نرجع شوية لورا ............. ...يعنى نقول ابتدائى كده اعدادى بالكتير .. سقطت فى اى امتحان قبل كده او جبت كحكة ؟ قولنا امتى ومادة ايه ؟ ...... ايه اكتر مادة كنت بتحبها واكتر مادة كنت بتكرهها ؟ ...... كنت بتقعد فى اول الفصل ولا فى اخرة ؟ وياترى لسه فاكردكتك كان شكلها ايه ؟ ...... ايه اكتر حاجة كنت بتحب تشتريها من الكنتين وتفتكر مصروفك كان كام ؟ ...... تفتكر اكتر علقة اضربتها وياترى كانت من مين وبسبب ايه ؟ ...... كنت بتطلب اللى انت عايزة من مين باباك ولا مامتك ؟ ...... بتعرف تحوش ؟ اكبر مبلغ حوشتة كان كام وجبت بيه اية ؟ ...... ايه اكتر لعبة كنت بتحب تلعبها مع اصحابك ؟ ...... ايه الحاجة اللى بتعتبر نفسك فاشل تماما فيها ؟ وليه ؟ تحب تدبس مين بعدك على الكرسى ؟ بس خلاص ptmnlo123per1106 انا محبتش اكتر الاسئلة علشان ادى فرصة لباقى الاعضاء ptmnlo123per158 |
رد: 12# دكتور تامر (fhd737)
سؤال محرج بقى على االسريع علشان ابوا نورا خلص كل الاسئلة
مين الى فى المنتدى نفسك يكون مش موجود |
رد: 12# دكتور تامر (fhd737)
أهلا وسهلا بيك يا د.تامر
والله انت من الناس اللي مستمتعين جدا بوجودهم معانا في مصر موتورز وما بقاش كداب لو قلت انك من أبرز أعضاء المنتدى وعلامة مميزة ليه اقتباس:
كنت عايز أسألك ايه اللي خلاك تجمع بين تخصصين واشمعنا اخترت التخصصين دول بالذات وكمان عايز أعرف رأيك بخصوص فكرة طرحتها على الدكتور محمود صلاح بخصوص انشاء توبيك يمثل حلقة نقاش للأطباء حول الدراسات العليا علشان المبتدئين اللي زي حالاتي يستفيدوا من خبراتكم اقتباس:
بما ان كرة القدم من هواياتك قولي بقى انت أهلاوي ولا زمالكاوي؟ وهل انت عضو في أي منتدى رياضي؟ وايه أفضل موقع رياضي بتحبه؟ وأخيرا بخصوص السياسة؟ هل بتنتمي لأي معسكر سياسي معين؟ وايه رأيك في الأزمة الأخيرة بين النظام المصري وبين حزب الله؟ شكرا وآسف للاطالة |
موضوع جميل فعلا
|
رد: 12# دكتور تامر (fhd737)
اولا شكرا على التقديم الجميل لأخى العزيز وائل
بالنسبه للاسئله العامه ----------------------------- *بصراحه اخترت دراسه الطب للمجموع العالى فى الثانويه ولم تكن فى حسبانى اوخططى *فى البدايه اخترت تخصص الاطفال لانى بحب الاطفال جدا وحصلت عليه وانا فى التكليف (فى الريف) وعند التدرج الطبيعى بعد بضعه سنوات كان لابد من اختيار تخصص للانتقال للطب العلاجى 00 وقتها كانت محافظه الشرقيه طالبه عدد قليل والمجموع كبير فاخترت تخصص انف واذن حتى لا اخرج خارج الشرقيه وهكذا فرض علىّ *مهنه غير الطب كنت اتمنى ان اكون كاتب روائى وصحفى *علاقتى بالمنتديات 00الطبيه للاطلاع بحكم المهنه والرياضيه(موقع واحد)ومواقع الجرائد المصريه00لكن مصر موتورز الاول ولا اكتب الا فيه بنسبه99،9 *يومى على النت فى اوقات الفراغ بعد العمل ووقت اسرتى الصغيره *حبى لمصر موتورز هو لروح العائله والدفء والالفه والمحبه بين الجميع مع الاحترام المتبادل والاعضاء معظمهم على درجه من الثقافه والفكر00فهل يوجد افضل من هذا! الاسئله السيارتيه -------------------- *اهتم ان تكون السياره بحاله جيده واحرص على صيانتها الدوريه *اكثر شىء احرص على وجوده اسطوانات بصوت الشيخ عبد الباسط عبد الصمد *قيادتى هادئه ولا احب السرعات العاليه فى الغالب80-100 اتوتر واتعصب من كل غبى يقود عشوائيا ولا يحترم قواعد المرور والتوكتوك مجرد رؤيته تستفزنى الاسئله الشخصيه ----------------------- *اكترحاجه بتضايقنى عدم النظافه والهمجيه والفوضى والنفاق وبكره جدا فرقه العرب وتراجعنا فى ذيل التقدم *اهدافى العلميه 00لايوجد هدف محدد ولكنى اتمنى ان يكون النظام الطبى فى مصر اكثر نظاما ونهتم اكثر بالجانب الوقائى فى صوره ندوات بالريف -للتوعيه والتعريف بطرق الوقايه من الامراض وقد فعلته فى حدود امكانياتى-لابالاعلانات والاغانى فقط *مشروعاتى المستقبليه00 اتمنى ان اهتم بموهبتى فى الكتابه وان انشرها واود تحويل اعمالى حبيسه الادراج لاعمال فنيه وحل مشكلتى من الكتابه للاستمتاع الشخصى لمستوى الاحتراف *لم ارسب فى حياتى لانى كنت متفوق دراسيا وهى ليست مهارة شخصيه ولكن منحة وعطية ربانيه على الرغم من عدم اهتمامى الكامل بالتعليم *اكتر ماده احببتها الغه العربيه والرياضيات والتاريخ والاكثر كرها العلوم(ماعدا الفيزياء)ومعها اللغات الاجبنيه *فى الفصل كنت بقعد فى الاخر فانا بطبعى كنت طالب مشاغب وبزوغ من المدرسه كتير ولم يشفع لى الا تفوقى الدراسى والدكه كانت زى كل مدارس الحكومه وقتها عامله حوادث 100 مرة! *اكتر حاجه بحبها واشتريتها الحلويات ومازلت *طلباتى دائما كانت من والدتى *فى التحويش مش قوى00حاليا ممكن اضيع كل ما معى فى سياره! واول مره كنت فى اعدادى جمعت 300 جنيه اشتريت كاسيت جديد *اكتر لعبه كنت احب ألعبها كره القدم وكنت هداف خطير ولولا دراسه الطب لاصبحت لاعب محترف وبحب جدا الشطرنج *انا فاشل فى المجاملات الكاذبه لانى لااحب النفاق ايضا كبت الغضب امام أخطاء الغير لانه اذا لم تغضب لنفسك فأغضب من أجل الآخرين *احب ادبس د0أليشع ثابت الصديق العزيز كل دى اسئله يا راجل لكن شكرا جزيلا واخيرا امنيتى ان يصبح المنتدى الافضل على الاطلاق ودام الصحه والتفوق والحب لكل اخوتى من الاعضاء |
رد: 12# دكتور تامر (fhd737)
حبيبى واخى لانسر سؤال محرج لكن ليه متكنش انت؟!
والله بهزر00 انا أحب الجميع والله وان أختلفت مع بعضهم ان لم تتقبل الآخر فلن تكون الافضل |
| الساعة الآن 10:32 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017