موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
السلام عليكم ورحمة الله وبركاته نظرا لكثرة ملاك سيارة الشعب 128 وانا من محبيها وملاكها :lvly::lvly::lvly: قررت عمل هذا الموضوع ليكون موسوعة ل 128 فى اغلب مشكلاتها وحلولها وطبعا نرجوا من الخبراء ان يشاركونا فى الرد على اسئلة الاعضاء الكرام واللى فيه الخير يجيبة ربنا ونبداء موسوعة الاسئلة على بركة الله اخوكم فى الله سيد سبحان الله وبحمده سبحان الله العظيم |
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
بجد ربنا يباركلك و هيكون موضوع ممتاز ان شاء الله
و انا كنت من عشاق و ملاك العربيه دى بس انا دلوقتى معايا فولكس فاجن سوران 2009 بس ما زلت من محبيها برده ROSE4UROSE4UROSE4UROSE4UR OSE4UROSE4U |
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
ربنا يخليك على دعوتك الحلوه و طبعا حضرتك لازم تكون من فريق الدعم للموضوع ده وان شاء الله هيكون موضوع اكثر من رائع باذن الله وبمجهودات حضرتكم معايا فى الموضوع وادعيلى اجيب ال 18 سنه بقى واطلع الرخصة علشان اسوق عربيتى برحتى بقى مش ابقى بركبها جنب البيت وابقى خايف اخوك الصغير سيد |
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
شكرا للعضو الفاضل sayed2007 : التابلوة في ثلاث لمبات تحت بعض واحده منورة على طول وهى اللى في النص واللي من فوق بتنور مع الاشاراة والانتظار فاضل اللي من تحت مش بتنور وغالبا هي اللمبة بايظة بس عايز اعرف من حضرتك هي بتاعة ايه اصلا مع خالص الشكر
|
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
العفو على ايه طيب ممكن حضرتك تقول موديل العربية و تجيب صور لوسمحت وان شاء الله اجوباك او لما انزل ابص على العربية بتاعتى هقولك على طول ان شاء الله بس ياريت موديل العربية علشانت انا عربيتى موديل 1987
|
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
السلام عليكم ورحمة الله وبركاته
أعزائى أعضاء المنتدى بالأمس ذهبت للميكانيكى لتغيير أسطوانة وديسك وبلية الدبرياج وكوبلن وزيت وفلتر للسيارة (فيات 128 مو 87) واشتريت ديسك وأسطوانة مكتوب عليهم Made in Italy (والله أعلم بالحقيقة) الديسك كان بــ 120 جنية والأسطوانة بــ 80 جنية المهم وأنا بستلم منه السيارة الميكانيكى قالى هيبقى فيها رجة شديدة لغاية ما الأسطوانة والديسك يطبعوا على بعض (فترة كدة يعنى) المهم السيارة بالفعل فيها رجة (رعشة) شديدة جدا أثناء بدء التحرك وعند إعطاء غيار لكن الرجة تختفى بمجرد أن أضغط بنزين وتأخذ السيارة سرعتها لكنها تظهر عند إعطاء غيار جديد لكن السيارة أصبحت أقوى والسحب أفضل بكثير والتجميع أسرع وأفضل بكثير من ذى قبل (يعنى حسيت أن السيارة بقت زى الأسد أو الحصان) لكن كل ما يسبب لى القلق هذة الرجة الشديدة >>> فهل أخطأ الميكانيكى فى تركيب أحد هذة الأشياء (يعنى هل هناك جزء تم تركيبة بشكل غير مضبوط) هل يجب أن أذهب لميكانيكى آخر ليراجع السيارة؟ أم أنه بالفعل تكون هذة الرجة بعد تركيب الديسك والأسطوانة ثم تختفى؟ وكم ستستمر الفترة التى ستظهر فيها الرجة؟ وكيف أتعامل مع السيارة (أثناء الضغط على الدبرياج والبنزين) فى الفترة التى تعقب تغيير الديسك والأسطوانة؟ أسف للإطالة <!-- / message --><!-- مواضيع العضو بوست بت --> |
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
اقتباس:
وبالنسبة على التعامل مع السياره من نحية التعامل مع الدبرياج والبنزين فانا عاوزك تعتبر الدبرياج ده زى الصديق الغلس اللى متحتجلووووش اوى غير فى وقت الزنقه واول ما تفك زنقتك تخلع منه خالص حتى فى الفرامل ممكن تهدى العربية بدون ما تدوس دبرياج وبيبقى كالاتى انك بتسيب بنزين وبتدوس شعره فرامل و هتلاقىى العربيه هديت مع العلم انك ما تهديش العربيه لاقل من سرعة الغيار اللى انت عليه يعنى مثلا مش تبقى على الرابع وتروح مهدى لسرعة 20 هتلاقى العربيه وقفت منك لا بتهديها لغاية حدود الغيار اللى انت عليه وارجوا منك تدعيلى ان ربنا يوفقنى فى دراستى ويغفر ليا و لوالداى و للمسلمين والمسلمات الاحياء منهم والاموات وكل عام وانت طيب |
الساعة الآن 11:51 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017