|
الاكصدام الخلفي اتكسر و انا بركن ... يتصلح ده ؟
و انا بركن انهاردة خبطت في رصيف عالي من غير ما اقصد و دي شكل الكسر انا عامله بالرسام كده هي الصورة دي من الاكصدام و هو سليم بس انا عامل الكسر على شكل خط و عامل حواليه دايرة http://img204.imageshack.us/img204/4835/66126414.jpg ده بيتلحم ده بقى و لا ايه ؟؟؟ و لو اتلحم هيبان فيه بشكل جامد انه مكسور و ملحوم ؟؟؟ و هيكلف كام ؟؟ و لو غيرته يكلف كام ؟؟؟ |
رد: الاكصدام الخلفي اتكسر و انا بركن ... يتصلح ده ؟
ممكن تجيبه بره استيراد بنفس لون العربية هيعمل معاك في حدود 400 جنيه
وممكن تخيطه هيكلفك في حدود 100 جنيه والحمد لله انها جت علي قد كدا وربنا يسترها عليك وعلينا |
رد: الاكصدام الخلفي اتكسر و انا بركن ... يتصلح ده ؟
فى ناس بتاعه فبر متخصصه فى تصليح الاكصدامات و الحاجات الى زى كدة و افتكر انه هيتصلح و مش هيبان بعد كده انه معمول فيه اى شغل
انا عندى كان فيه جزئ من الاكصدام مكسور و مش موجود الراجل كمله و لا كأنه كان مكسور او ناقص منه حاجه انته حندك مفيش حاجه ناقصه يعنى مجرد لحام بتاع الفبر اقصى حاجه هيقولك 30 أو 50 جنيه و لو بهيجى نضيف تترش على ادها و بعد كده يرش الاكصدام كله ورنيش و يتلمع كله هيبقا تمام |
رد: الاكصدام الخلفي اتكسر و انا بركن ... يتصلح ده ؟
في واحد بيلحم فيبر جلاس بس استاذ انا لسة لاحم عندة فيبرات الشماسات كانها فبريكة مش باين عليها انها اتكسرت اصلا
ودة قبل نفق دير الملاك واسمة اسماعيل وهو راجل محترم جدا ومش غالي قبل ما تنزل نفق دير الملاك علي اليمين فية بتاع كوتش هو ادامة وبالتوفيق |
رد: الاكصدام الخلفي اتكسر و انا بركن ... يتصلح ده ؟
الموضوع يعتمد على نقطتين
1- حاله العربية عموما 2-نظرتك لشكل عربيتك بمعنى لو العربية جديدة ومش متصلحة من بره والدهان فابريقة وحضرتك عايز تحافظ على الشكل العام بنفس جودته يبقى تجيب استيراد بنفس اللون حتى ولو غالى اما لو عندك استعداد ان الشرخ ده يبان بعد التصليح والدهان حتى ولو بنسبة 10% (لانه اكيد هايبان ومش هايرجع فابريقة طبعا مهما كانت حرفه الصنايعى سواء فبرجى او بوهيجى) يبقى تستنظف صنايعى فيبر ودوكو وتعمله وفى الاخر الحل يتوقف على اختيارك ونظرتك لعربيتك وكمان التكلفه والحمد لله انها جت على قد كده:Bravo: |
رد: الاكصدام الخلفي اتكسر و انا بركن ... يتصلح ده ؟
الحم ياكبير وظبط ومش هاتبااااااااااااااااااااا ااااااااااااان وخلى بالك بعد كدى
|
رد: الاكصدام الخلفي اتكسر و انا بركن ... يتصلح ده ؟
فى واحد انا شفته كان بيلخك فيبر ومهما كانت حالت الاكصدام هوا كان جنب قسم الحدائق فى حدائق القبه لو القشم على يمينك هتمشى بعد بشويه هتلاقى هوا حاطت على عربيه اكصدام مكسور وكاتب عليه الدعايه ليه وفى سهم على مكانه
ده تلفونى لو انت عاوز ترحله اشرحلك العنوان بالتفصيل 0107814434 |
| الساعة الآن 07:37 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017