ايهما افضل فيرنا ولا اسبرنزا ولا byd فى التاكسى الابيض
السلام عليكم
اخواتى اعضاء المنتدى الكرام ارجو افادتى فى ايهما افضل فى التاكسى الابيض لانى ناوى اشترى تاكسى بالتقسيط فا عايز اعرف ايهما افضا من ناحية السعر وقطع الغيار وكل شىء واسف على الاطالة وتقبلوا تحياتى |
رد: ايهما افضل فيرنا ولا اسبرنزا ولا byd فى التاكسى الابيض
انا رأيى الافضل اسبيرانزا A 516
لانها الاوسع واثبتت كفائتها فى السوق المصرى وقطع غيارها بقت متوفرة ... وكمان افضل سعر ... |
رد: ايهما افضل فيرنا ولا اسبرنزا ولا byd فى التاكسى الابيض
اللى يفيدك سواق تاكس يكون ركب التلات عربيات لانة لو ركب واحدة بس منهم هيعد يشكر فيهم
اسال واجد يكون جرب التلاتة |
رد: ايهما افضل فيرنا ولا اسبرنزا ولا byd فى التاكسى الابيض
byd بلا منازع
نظرا لجودتها التى تضارع السيارات اليابانية وانعدام مشاكلها وامكانية تركيب قطع غيار الميتسوبيشى والكورولا عليها ده غير قطع غيارها الاصلية |
رد: ايهما افضل فيرنا ولا اسبرنزا ولا byd فى التاكسى الابيض
نصيحة لوجة الله اشترى لادا 2107 مكيفة +باور افضل للتاكسى وما تنساش انها جر خلفى (كورونا)
|
رد: ايهما افضل فيرنا ولا اسبرنزا ولا byd فى التاكسى الابيض
مبروك مقدما..............
اختيار سيارة للتاكسي يختلف تمااااااااااما عن اختيار سيارة للملاكي اولا عشان تطمن لكلامي انا والدي و 2 من اعمامي سواقين تاكسي ابويا و عمي معاهم byd f3 و فيرنا و الاتنين سوقتهم طبعا عمي الثاني معاه لانوس سائق التاكسي يهمه في عربيته اولا انها متعطلش كتير و متوقفش حاله ثانيا يهمه عمر العربية نفسها و مدى تحملها للعمل فترات طويلة تصل ل 20 ساعة في اليوم ثالثا يهمه تكاليف الصيانة تكون قليلة الى حد ما و يهمه توافر قطع الغيار رابعا يهمه اداء السيارة لانه بيعيش فيها مش بيركبها بمعنى انه ممكن يقضي فيها فترة اكبر من الي بيقضيها في بيته فلازم يكون مستريح و اخر حاجة بيفكر فيها سائق التاكسي شكل العربية لانها عربية اكل عيش مش عربية منظرة تعالى بقا نقارن بين ال 3 عربيات الي انت كاتبهم اولا الفيرنا : صالون ضيق و ناس كتير مش بتحب توقفها تاكسي خصوصا زوي الاحجام الكبيرة الي زي حالاتي.......عفشة ضعيفة و فرامل الى حد ما مش في قوة فرامل ال byd ثبات سيئ بعد سرعة 120 الى 140 توكيل مفيش داعي اتكلم عليه من الاخر حرامية ( طبعا انت ممكن مترح التوكيل خصوصا ان صيانتها سهلة ) دي عيوب الفيرنا و مميزاتها موتور جبار يعتبر اقوى موتور في ال 3 عربيات تسارع هايل جدا عالطريق ( على حساب الثبات طبعا )..........دي الفيرنا ثانيا الاسبيرانزا : باختصار شديد كل الي شفته جبها تاكسي ندم ندم شديييد و قرفته في عشته و كرهته في العربيات.........باختصار مش عربية شقا و في سواق اعرفه عربيته جابت جوان وش سلندر بعد 40 الف كيلو كان مشغلها ورديتين في اليوم يعني حوالي 16 ل 18 ساعة يوميا .....عيوب السيارة : عفشة سيئة جدا و ارتفاع حرارتها مع تشغيل التكييف ( ليست مشكلة عامة لكن متواجدة بكثرة ) التوكيل برضه سيئ جدا جدا جدا ....الموتور تصنيعه ضعيف ( موتور صيني ) و كفاية اننا سمعنا عن ناس عملت جوان و وواحد عمل عمرة رغم ان العربية مكملتش 4 سنين في مصر غير الناس الي سقطت لانسر في عربياتها.........المميزات صالون واسع شكل مقبول كماليات عديدة و جميلة جدا جدا ثالثا التنين الصيني byd f3 نبتدي بالمميزات : اوسع صالون في ال 3 عربيات ( صالونها بالكامل بالكراسي و الطابلوه تويوتا كورولا ) ......موتور قوي جدا ( موتو ميتسوبيشي نفس موتور البومة ) العفشة تويوتا كورولا لغاية 2007 .........ده كله يوريك تعدد مصادر قطع الغيار يعني مفيش مشكلة في الصيانة لان العربية خليط بين الكورولا و اللانسر..........شكل جميل جدا بعتبره احلى شكل عربية في ال 3 ..........اداء العربية و تحملها حدث و لا حرج ........من واقع تجربة عملية من سيارة عمي بقالها حوالي سنة و بتشتغل برضه في حدود ال 18 ل 20 ساعة متواصل و شغالة غاز طبيعي مش بنزين مع تشغيل التكييف اغلب الاوقات في الصيف و من ساعة ما جابها معملش اي صيانات خااااااااااالص غير الصيانات الدورية العادية فقط و مرة واجدة سمكرة بسبب خبطة بسيطة..............نصيحتي ليك لو هتجيب تاكسي اوعى تتنازل عن ال byd و ده عن تجربة عمليه .....ميزة كمان نسيت اقولك عليها و هي اسعار قطع الغيار الاصلية في التوكيل رخيصة الى حد ما او تقدر تقول مفيهاش استغلال التوكيلات المعروفة و بالنسبة لاداء التوكيل شركة الامل فهو ليس جيد بالدرجة الكافية و لكنه في تطور و تحسن مستمر...... لو عند حضرتك اي سؤال عن استلام التاكسي الابيض من الساحة او التقديم او البنك و الاقساط و خلافه انا تحت امرك |
رد: ايهما افضل فيرنا ولا اسبرنزا ولا byd فى التاكسى الابيض
اقتباس:
المشكلة انه لما بنقول الكلام ده كنصيحة لوجه الله لاننا نريد الخير للاخرين يتهمنا البعض اننا مدسوسين من شركة الامل للتسويق للسيارة وبنقبض منهم فلوس كمان الحمد لله انه السيارة بى واى دى اقل هذه السيارات دعاية وبالرغم من ذلك اكثرهم بيعا وثقة للمستهلك المصرى لان العملة الجيدة تطرد الرديئة من السوق تقبل تحياتى |
الساعة الآن 03:09 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017